影片
更多
2024-05-03
18 浏览
今日嚟到观塘落住劲大雨，咁啱俾我哋见到喺一间工业大厦入边有间好似几靓嘅Cafe @timescoffee.hk ，我哋就冲着入去试吓😂入到去发现佢嘅装修系模仿学校嘅教室，会有啲学生枱櫈、黑板，仲有代表学生精神状态嘅「一嚿云」。😂小编大概理解到点解佢叫小时光，我谂就系想俾人返返去细细个读书𠮶阵～🥹睇一睇餐牌，佢哋嘅食物系以台式同西式为主。落住咁大雨，加埋呢度课室嘅环境，同台式嘅食物，令小编谂起那些年我们一起追的女孩呢套电影。🙈➡️蟹肉蟹棒明太子意粉 $138大大条嘅蟹棒好吸引！面头有紫菜碎加上劲多蟹籽，成个意粉望落好满足～食落佢嘅明太子味几突出，意粉口感亦都啱啱好。不过个酱汁小编觉得可以再Creamy啲，食落会更加满足！味道：7/10➡️我爱台妹 $98呢个小编都几推荐，简单啲嚟讲，佢就系一个台式嘅all day breakfast，配有某啲西式食物例如黑松露炒蛋，沙律、粟米片等等。亦都有啲好台式嘅食物例如台湾肠同一个巨型芋泥肉松吐司，佢嘅芋泥足足成球雪糕咁大，尚算绵身，久唔久会有芋头粒，都有芋头香。加埋肉松吊起个味非常满足。唯一小编觉得个芋头可能未系当造，再粉啲就一流！味道：8/10➡️荔枝
今日嚟到观塘落住劲大雨，咁啱俾我哋见到喺一间工业大厦入边有间好似几靓嘅Cafe @timescoffee.hk ，我哋就冲着入去试吓😂
入到去发现佢嘅装修系模仿学校嘅教室，会有啲学生枱櫈、黑板，仲有代表学生精神状态嘅「一嚿云」。😂小编大概理解到点解佢叫小时光，我谂就系想俾人返返去细细个读书𠮶阵～🥹
睇一睇餐牌，佢哋嘅食物系以台式同西式为主。落住咁大雨，加埋呢度课室嘅环境，同台式嘅食物，令小编谂起那些年我们一起追的女孩呢套电影。🙈
➡️蟹肉蟹棒明太子意粉 $138
大大条嘅蟹棒好吸引！面头有紫菜碎加上劲多蟹籽，成个意粉望落好满足～食落佢嘅明太子味几突出，意粉口感亦都啱啱好。不过个酱汁小编觉得可以再Creamy啲，食落会更加满足！
味道：7/10
➡️我爱台妹 $98
呢个小编都几推荐，简单啲嚟讲，佢就系一个台式嘅all day breakfast，配有某啲西式食物例如黑松露炒蛋，沙律、粟米片等等。亦都有啲好台式嘅食物例如台湾肠同一个巨型芋泥肉松吐司，佢嘅芋泥足足成球雪糕咁大，尚算绵身，久唔久会有芋头粒，都有芋头香。加埋肉松吊起个味非常满足。唯一小编觉得个芋头可能未系当造，再粉啲就一流！
味道：8/10
➡️荔枝玫瑰冰茶 +$20（饮品跟餐半价）
荔枝同玫瑰简直系绝配！淡淡玫瑰味加上荔枝果肉茶底，好香好清新～
味道：8/10
➡️大甲芋头鲜奶 +$20（饮品跟餐半价）
小编好钟意饮芋泥鲜奶，佢呢杯主要以奶味为主，带微微芋头香，不过污泥嘅质感亦都未算好绵同粉。但味道上都唔错，如果再大杯啲会更加满足！
味道：7/10
➡️焦糖布丁草莓刨冰 $108
小编当初就系比呢个刨冰吸引过嚟，上到枱好吸睛好igable
，一𢳂落去有厚厚嘅士多啤梨奶盖，有好香嘅士多啤梨同奶味，口感绵密，加埋细致嘅绵绵冰简直好食到震！当然佢唔止咁简单，入边有饼干碎同布甸，口感上有多重变化，非常推荐！
味道：9.5/10
抵食：7.5/10
环境：9/10
张贴
