sensory ZERO (禮頓中心) (已結業)

话说约左好耐无见嘅朋友，系铜锣湾行街，行左几间一系无位一系唔食得。不知不觉行到嚟利舞台正门呢边，被我发现左呢间sensory ，唔驶谂，一定系呢间（我黎帮衬个阵未知新开）。铺头唔算大，楼底唔高，不过你会喜欢佢云石嘅装饰，黑白feel嘅。铺头用嘅系自家制嘅米，老板亦都系一位咖啡品质鉴定师。有daily rice and pasta，都几吸引，又唔驶拣。Daily pasta，92元，龙虾汁鲜虾意粉，虾够爽够大粒，意粉煮得刚刚好，汁亦配得好好，好鲜味。Daily rice，98元，豚肉煮炖萝卜饭，饭系几香，粒粒分明，萝卜亦够哂入味，豚算系唔系肉，配上似烧汁，好味。无肉食素意粉，92元，朋友话唔错，几挂汁，几香口，料都算丰富。呢个系我地都好期待，肉松芝士牛角包，58元，肉松系面好正，成个上枱大家都马上味蕾开动。朋友话好食，咁就正啦。无错，又系佢，肥威，45元，唔算系我top 3之选。苹果muffin，35元，唔错，几松软。见到餐厅另一边隔开左一个空间，稍为问左店员，原来系之后会搞咖啡班，同埋会成为唯一一个受认可咖啡师牌嘅考试场地（如知情者，请话我知）。