洛奇冰室 (已結業)

最近系铜锣湾登龙街附近做完野想快快趣趣食个lunch，就黎左呢间新式冰室到试试👀◦ 瑞士汁鸡髀辛辣面特餐 ($64)同事叫左份辛辣面特餐，呢个价钱有咁野食都几抵食～呢个餐除左面之外既配料都几多，包括鸡髀🍗、牛角包🥐、火腿奄列、炸虾饼(+$15)🍽呢份面都煮得几好同易入口，同事表示食开5小辣既佢都觉得都唔系太辣；瑞士汁鸡髀几大只，而且都煮得几香几入味；火腿奄列份量都唔细，再食埋虾饼同牛角包真系劲劲劲饱肚，可惜当中比较失色既系牛角包牛油味比较淡😣◦ 日式咖喱海老蛋包饭 ($62)吉列炸虾🍤几香几脆，蛋包饭嘅炒蛋都几大份同炒得几滑，咖喱易入口唔会辣，如果味道再浓D就会更惹味😁◦ 冻柠檬柑桔 (+$9), 冻招牌奶茶 (+$3)通常去亲冰室都会试佢地既奶茶，而呢到既冻奶茶系偏甜，都几够茶味同几滑；冻柠檬柑桔几香，同事表示食辛辣面再饮呢杯都几解辣👍🏻总体黎讲，餐厅食物份量几大份，加上环境装修好新净坐得几舒服，上菜速度又快，如果想系铜锣湾平平地食个lunch不妨试试🤣📍洛奇冰室铜锣湾登龙街28号永光中心地舖