壽喜燒 友 (已結業)

大阪番嚟近一个月，依然好挂住当地美食，好可惜今次行程太赶，厨师发办、寿喜烧都唔够时间食，不过唔紧要，番嚟香港一次过补番！嚟到位于铜锣湾渣甸街嘅新开寿喜烧专门店，呢度除咗可以食到关东⾵味嘅寿喜烧之外，亦由于店内嘅装修布局、精致嘅菜式、贴心嘅服务，令人好似食紧厨师发办咁。Sukiyaki Dinner Set ($680)未上主菜之前，先嚟先付同多款前菜打头阵，前者以好可爱嘅熊仔最中饼装住海胆同熟成鱼，打卡同好味指数都爆晒登；后者海胆蒸蛋、汁煮和牛、南瓜羹同八爪鱼，咸甜滋味，共冶一炉。主菜寿喜烧以师傅秘制嘅酱汁汁煮各款顶级⽇本和⽜， ⾁眼、西冷、肩⾁，3个部位4大块，款款都⾁质细腻，肉味又浓。店内更特别提供兰王蛋同无菌蛋2款蛋汁，既能提升幼滑口感，更可中和酱汁带嚟嘅腻滞感。除咗和牛，全个餐更跟有多款⽇本野菜、⾖腐同京葱，蔬菜融合肉汁跟秘制酱汁，特别香甜，最衰系呢度白饭任装，真心会不知不觉食多几碗架，减肥人士小心啲！虽然系咁，不过无论几饱都好，甜品都一定要食！店内用上日式传统刨冰机制刨冰，加上抹茶同红豆，为全个餐划上完美句号！