影片
更多
2022-11-15
26 浏览
铜锣湾登龙街食店林立，最近新开咗一间专食韩国Pizza同埋炸鸡嘅专门店，网上见到好多人食芝士拉丝Pizza ，劲邪恶，所以今次同朋友去咗呢间咁就脚嘅Mr. K Pizza N Chicken。入到去播紧K-pop 嘅歌，好有气氛，另外呢度嘅女店员非常有礼貌，会详尽介绍呢度招牌主打，招呼周到。我哋今次嗌咗Mr.K 二人套餐，有前菜沙律丶Pizza 、炸鸡或意粉，同埋饮品，今次拣咗以下嘅食物。凯撒沙律沙律嘅菜好爽脆清新，加埋新鲜嘅蕃茄仔，作为前菜，食落好开胃，另外沙律酱分开上，按自己需要加上去捞匀，味道更吸引。蟹肉乐园芝加哥薄饼 -半份套餐可以选择双拼口味，啱晒想试唔同口味同埋选择困难嘅人。呢个Pizza嘅边用咗黑糖面包去整，味道带甜味，令我谂起outback个黑糖面包，做法坊间比较少有，好特别。另外师傅落嘅芝士绝对唔手软，加咗双倍水牛芝士丶车打芝士喺入面，令到成个芝士拉丝画面好震撼，食落淡淡芝士好邪恶。上面嘅材料十分丰富，有蟹肉、蟹肉棒丶蚬肉 、车厘茄丶红洋葱等，每样材料加埋都好夹，再加埋蒜香芝士酱丶秘制Mr.k酱同埋个蜜糖边，好惹味。 海鲜狂热芝加哥薄饼 -半份半份嘅薄饼，每件份量都好
铜锣湾登龙街食店林立，最近新开咗一间专食韩国Pizza同埋炸鸡嘅专门店，网上见到好多人食芝士拉丝Pizza ，劲邪恶，所以今次同朋友去咗呢间咁就脚嘅Mr. K Pizza N Chicken。入到去播紧K-pop 嘅歌，好有气氛，另外呢度嘅女店员非常有礼貌，会详尽介绍呢度招牌主打，招呼周到。我哋今次嗌咗Mr.K 二人套餐，有前菜沙律丶Pizza 、炸鸡或意粉，同埋饮品，今次拣咗以下嘅食物。
凯撒沙律
沙律嘅菜好爽脆清新，加埋新鲜嘅蕃茄仔，作为前菜，食落好开胃，另外沙律酱分开上，按自己需要加上去捞匀，味道更吸引。
蟹肉乐园芝加哥薄饼 -半份
套餐可以选择双拼口味，啱晒想试唔同口味同埋选择困难嘅人。呢个Pizza嘅边用咗黑糖面包去整，味道带甜味，令我谂起outback个黑糖面包，做法坊间比较少有，好特别。另外师傅落嘅芝士绝对唔手软，加咗双倍水牛芝士丶车打芝士喺入面，令到成个芝士拉丝画面好震撼，食落淡淡芝士好邪恶。上面嘅材料十分丰富，有蟹肉、蟹肉棒丶蚬肉 、车厘茄丶红洋葱等，每样材料加埋都好夹，再加埋蒜香芝士酱丶秘制Mr.k酱同埋个蜜糖边，好惹味。
海鲜狂热芝加哥薄饼 -半份
半份嘅薄饼，每件份量都好大，呢个双拼感觉可以够三人食。呢个Pizza 边同样系淡淡芝士，好邪恶。此外材料丰富，有鱿鱼丶蚬肉丶青口丶蟹肉棒丶青椒等，咬落淡淡海鲜，加上佢哋嘅秘制酱汁，味道层次丰富。
蜜糖芥末炸鸡
一碟总共有五件，即叫即炸，上枱时够热辣辣，每件炸鸡份量都好大份，炸鸡系无骨，食落够方便，表面淋上蜜糖芥末酱，够哂惹味开胃，咬落仲脆卜卜，内里充满肉汁，好Juicy 。
蓝乳酸特饮
每次见到乳酸嘅饮品，都忍唔住嗌，味道酸酸甜甜之余，仲够晒健康。
青苹果柠檬特饮
青苹果口味加上柠檬，口味清凉清新，非常解渴。
张贴
