財記辣蟹私房菜

营业中

休息中

今次呢间私房菜其实我都听过好多次，但今次系第一次上嚟食。之前仲一直以为会好贵，但原来价钱同平时中菜馆差唔多，质素都好高。———————————————🌟椒盐九肚鱼我本身真系好钟意椒盐九肚鱼，估唔到呢度竟然有得食🥰因为香港好多餐厅虽然有餐牌但实际上都冇入货冇得食，所以净系有呢个菜式，我都已经超惊喜！呢道椒盐九肚鱼同出面比会切得比较细块，比较容易入口。外皮薄而且外脆内嫩，椒盐味道入味，鱼肉鲜美，实在系好满意。🌟啫啫通菜煲呢个啫啫通菜煲系火喉够，通菜都非常新鲜翠绿。锅底嘅汁有大虾米炒香，咸香加少量辣椒味都可以渗入通菜。🌟黑椒牛仔骨煲黑椒牛仔骨煲嘅牛仔骨够晒腍身，肉质嫩滑。入边仲有好多洋葱，炒得非常香，忍唔住都清晒。🌟咸蛋黄焗鲜鱿咸蛋黄焗鲜鱿非常有惊喜，咸蛋黄嘅香味同鲜鱿嘅弹牙口感完美结合，咸蛋黄汁整得好好，并确保咗每一件鲜鱿都沾得均匀，每一口都令人陶醉，非常推荐👍🏻🌟蜜桃雪葩最后嚟咗个蜜桃雪葩，系一个中式餐厅都出现嘅日式甜品，真系有半粒蜜桃喺入面，味道香甜，非常有趣又特别，系一个清新嘅结尾。