影片
更多
2023-04-18
32 浏览
呢间餐厅主打各款Fusion菜，具有国际特色嘅中式汉堡包真系会食过返寻味。今次已经系我二访呢间餐厅，今次见到佢多咗个2人套餐，$298一位就可以包4款小食、2款主食嘅包、2款雪糕包同2款饮品，如果有更多朋友一齐食一样可以用返同样价钱享受更大份嘅小食加额外嘅包同饮品～———————————————🌟LB凯撒沙律呢个沙律真系超独特，佢系用豆豉鲮鱼整嘅凯撒沙律，菜底以椰菜为主，面层仲有芝麻同干蒜，令成个菜式更香口。.🌟紫菜炸墨鱼脆脆呢个墨鱼脆脆真系新鲜炸起，咬落去热辣辣外层连埋炸过嘅紫菜食落非常香脆，入面墨鱼味都好重，点少少黑蒜酱可提味令成个味道更浓更重。.🌟墨西哥炸云吞炸云吞个皮炸到金黄色同非常脆，佢最特别嘅地方系上面仲有糖腌过嘅波萝粒同牛油果酱，感觉就好似用另类手法整紧中式果种点甜酸酱嘅炸云吞，制法非常有创意！.🌟黑松露薯条大众嘅黑松露薯条一般都系普通薯条再配个黑松露酱，但呢度嘅黑松露薯条就完全系与众不同，佢上面除咗黑松露酱外，仲有炒过嘅蘑菇同卤肉酱，面头仲有一条条黄色嘅腌萝卜，识落有少少似咸菜嘅味道，成个菜式集合咗西式中式同日式嘅元素但食落味道又非常夹。.🌟招牌猪腩包呢旧猪腩真系不得了
呢间餐厅主打各款Fusion菜，具有国际特色嘅中式汉堡包真系会食过返寻味。今次已经系我二访呢间餐厅，今次见到佢多咗个2人套餐，$298一位就可以包4款小食、2款主食嘅包、2款雪糕包同2款饮品，如果有更多朋友一齐食一样可以用返同样价钱享受更大份嘅小食加额外嘅包同饮品～
———————————————
🌟LB凯撒沙律
呢个沙律真系超独特，佢系用豆豉鲮鱼整嘅凯撒沙律，菜底以椰菜为主，面层仲有芝麻同干蒜，令成个菜式更香口。
.
🌟紫菜炸墨鱼脆脆
呢个墨鱼脆脆真系新鲜炸起，咬落去热辣辣外层连埋炸过嘅紫菜食落非常香脆，入面墨鱼味都好重，点少少黑蒜酱可提味令成个味道更浓更重。
.
🌟墨西哥炸云吞
炸云吞个皮炸到金黄色同非常脆，佢最特别嘅地方系上面仲有糖腌过嘅波萝粒同牛油果酱，感觉就好似用另类手法整紧中式果种点甜酸酱嘅炸云吞，制法非常有创意！
.
🌟黑松露薯条
大众嘅黑松露薯条一般都系普通薯条再配个黑松露酱，但呢度嘅黑松露薯条就完全系与众不同，佢上面除咗黑松露酱外，仲有炒过嘅蘑菇同卤肉酱，面头仲有一条条黄色嘅腌萝卜，识落有少少似咸菜嘅味道，成个菜式集合咗西式中式同日式嘅元素但食落味道又非常夹。
.
🌟招牌猪腩包
呢旧猪腩真系不得了，成块肉系劲厚切仲要烧得好香口感入口即溶，睇到旧肉都觉得好邪恶🤣个包入仲有好多酱汁同配料，特别想highlight嘅系有好多京葱丝，清新嘅味道中和返晒本身嘅肥腻感👍🏻
.
🌟炸三黄鸡包
我个人系超钟意呢个包，我认最主要嘅原因系鸡扒嘅味道同佢特调嘅酱汁。鸡扒本身应该系炸之前就已经腌制过，咬落香脆之余仲会有四川嘅麻辣味，连埋甜甜酸酸有少少似千岛酱嘅酱汁，食落超啱我口味👍🏻不过鸡扒中间略嫌皮下脂肪有少少厚，但成个食落口都系好好味，下次嚟都会再叫呢个包！
.
🌟雪糕包
雪糕包有分绿茶同盐味，绿茶雪糕上面有少少炼奶配搭，盐味就配焦糖酱。包方面佢系用热辣辣嘅炸馒头，配上雪糕冰火相交真系超好食，不过要记得食快少少，如果唔系溶咗食就会有少少狼狈🙈
.
🌟各款鸡尾酒
我哋分别叫咗一杯Chris’ Lemonade 同一杯Guavalada，味道系令人惊艳！Lemonade果杯本身有加Vodka，再连同菊花、蜜糖、柠檬同姜，饮落完全唔重酒味，有少少蜜糖嘅清甜味，仲会有少少好似k11果种香水味嘅感觉。至于另一杯以柚子梳打做底加上番石榴热情果同梅子粉，饮落石榴味重少少，酸酸甜甜，杯口仲有盐边，多种口味但又异常地夹❤️
张贴
