洛奇冰室 (已結業)

🌖重量级洛奇特餐C $67港式快餐好似比较少卖辛辣面，即管叫黎支持下～套餐除左有鸡扒辛辣面之外，仲有火腿奄列同牛角酥（由于货源问题，今次由丹麦吐司🍞取代）；另外自己再加左吉列鱼柳（另加$15）同特饮，加加埋埋叫左成九十蚊😮😮😮。煎香嘅鸡扒无浸系汤面之中，而系跟奄列吐司一齐上，咁就慢慢食都唔怕😬，吉列鱼柳外脆内嫩唔油腻。辛辣面竟然附有芝士片🧀！惊喜！辛辣面比自己煮嘅辣，明明佢个汤仲稀过、淡色过我自己煮嘅汤，睇黎我要钻研下煮法先得！🌗自选欧陆饭餐 $76叫左煎蛋牛柳配虾饼饭。港式餐厅有炸虾饼已经算少见，仲要系跟牛柳太阳蛋黑椒汁，呢个组合相当新奇😆。牛排唔鞋亦无松肉粉味、虾饼真材实料几弹牙，不过黑椒汁味道较淡，无乜黑椒味。🌖西多士西多士之间涂满厚薄均匀嘅花生酱，外层沾满蛋酱呈金黄色，唔会有油腻嘅感觉。🌖杂果宾治 特饮跟餐+$9半杯都系什果，足料👍🏻。🌗棉花糖朱古力 特饮跟餐+$9面层舖满白色细粒棉花糖，味道较甜。