牛舞日本燒肉‧涮涮鍋放題 (利舞臺廣場)

营业中

休息中

今日同朋友去咗铜锣湾利舞台一间叫「牛舞日本烧肉‧涮涮锅放题 」嘅餐厅食日式放题，呢间餐厅最吸引嘅地方系放题可以全日烧，午市时间无论几点入座都可以坐到下午四点，可以慢慢烧同慢慢食，好好品尝美食；餐厅座位宽敞，大部份嘅肉类同海鲜类都系用QR code落单，例如自助酱料区、蔬菜区、小食区、雪糕甜品区同饮品区，自助区嘅卫生环境都好好。我哋拣咗A级嘅「日本萨摩和牛放题」，总共有140种唔同嘅食物选项，餐厅会先上一盘萨摩和牛拼盘，见到个卖相已经非常吸引，入面有萨摩和牛嘅特上西冷、牛肩胛薄切、壶渍牛肋条、牛胸腹肉同是日稀少部位，全部嘅油脂分布都好似大理石花纹一样咁靓。职员会先以寿喜烧嘅形式煮熟两片特上西冷，叫我哋点生鸡蛋汁一齐食，之后再会放蔬菜入去煮，其余嘅萨摩和牛就可以选择烧烤或涮锅嘅形式去煮，和牛肉质幼嫩，入口即溶，肥而不腻；和牛嘅口感偏重，建议大家可以先烧烤后涮涮锅，咁样就唔会食到咁滞，而呢间餐厅放题嘅质素都唔错，就算系之后落单嘅几碟和牛质素仍然保持到，值得一赞；另外我哋仲嗌咗唔少海鲜，包括生蚝、矶煮鲍鱼、海虾、甲罗烧等等，全部烧出嚟都好有鲜味；烧菠萝好甜，牛油芝士杂菌金菇都好香，推荐大家试一