串點 (已結業)

长沙湾近年新旧交替，好多年轻特色小店进驻，好似呢间主打露营为主题嘅串烧店，就够晒特别。墙上装横全部用木造嘅，灯光柔和，气氛舒服，枱櫈、枱灯就用上咗露营嘅用品，而露营櫈坐落去特别舒服，好relax嘅感觉。龙虾沙律龙虾切粒加埋秘制沙律酱，用脆身嘅紫菜包住嚟食，加上青瓜嘅爽脆增添口感，食落好开胃，作为前菜一流。烧物-牛舌芯牛舌芯相当厚身，烧得微微焦香，口感爽弹，而且仲保留肉汁，好高质。鸡肉串 -沙嗲咖喱味 冬荫味鸡肉肉质嫩滑，酱汁分别有两种口味，沙嗲咖哩及冬荫，沙哩味够晒浓郁惹味，冬荫味酸酸辣辣，再加上柠檬汁，好有泰国风味。大葱鸡肉串大葱经过照烧汁烧烤过后甜甜地，鸡肉比之前两串大旧，啖啖肉好嫩滑。黑松露忌廉海鲜汤乌冬一上枱已经闻到浓烈嘅黑松露味道，好吸引。顺滑浓稠忌廉汤，配上浓郁嘅黑松露，味道大大升华。乌冬口感弹牙，海鲜配料特别多，有虾、鱿鱼、蚬肉等等，好丰富。