影片
更多
2024-04-12
847 浏览
小编去咗旅行咁耐，最挂住就系茶记嘅蛋挞奶茶！为咗好食嘅蛋挞，嚟到长沙湾金园～➡️干炒鲜牛河 $60其实小编嗌嘅时候都有少少却步，因为$60仲要加$10先有嘢饮呢个价始终少贵，不过见佢系老字号茶餐厅就即管试吓。上到嚟睇都几大碟，但明显就唔系出晒烟，感觉佢唔够热都唔够镬气，而且见到有啲河粉系未炒开，叠埋一齐，好影响个口感。不过佢就胜在唔算好多油，调味都唔错，至于佢嘅鲜牛肉食得出系冇乜点啤水，唔会太过淋，仲保留啲咬口。味道🐽🐽🐽➡️奶茶 +$10呢度嘅奶茶，我觉得佢系偏重茶味多啲，入口嘅苦涩味都比一般茶餐厅重，但茶香唔算好出色，适合啲钟意饮浓茶嘅朋友。味道🐽🐽🐽➡️酥皮蛋挞 $10佢哋嘅酥皮蛋挞系用传统油皮水皮搓成嘅，据讲近128层。呢个蛋挞非常松化。但层次感冇之前新华咁明显，但同时又冇新华咁散，各有千秋。小编最欣赏系佢嘅蛋浆。因为新鲜出炉，蛋浆够晒热，蛋香、吉士更突出，而且真系滑溜！处于熟同未熟之间咁，掌握得好好。小编一餐晏已经有三轮出炉，相信要食到新鲜出炉应该唔难！味道🐽🐽🐽🐽抵食🐽🐽🐽环境🐽🐽🐽🐽
小编去咗旅行咁耐，最挂住就系茶记嘅蛋挞奶茶！为咗好食嘅蛋挞，嚟到长沙湾金园～
➡️干炒鲜牛河 $60
其实小编嗌嘅时候都有少少却步，因为$60仲要加$10先有嘢饮呢个价始终少贵，不过见佢系老字号茶餐厅就即管试吓。
上到嚟睇都几大碟，但明显就唔系出晒烟，感觉佢唔够热都唔够镬气，而且见到有啲河粉系未炒开，叠埋一齐，好影响个口感。
不过佢就胜在唔算好多油，调味都唔错，至于佢嘅鲜牛肉食得出系冇乜点啤水，唔会太过淋，仲保留啲咬口。
味道🐽🐽🐽
➡️奶茶 +$10
呢度嘅奶茶，我觉得佢系偏重茶味多啲，入口嘅苦涩味都比一般茶餐厅重，但茶香唔算好出色，适合啲钟意饮浓茶嘅朋友。
味道🐽🐽🐽
➡️酥皮蛋挞 $10
佢哋嘅酥皮蛋挞系用传统油皮水皮搓成嘅，据讲近128层。呢个蛋挞非常松化。但层次感冇之前新华咁明显，但同时又冇新华咁散，各有千秋。小编最欣赏系佢嘅蛋浆。因为新鲜出炉，蛋浆够晒热，蛋香、吉士更突出，而且真系滑溜！处于熟同未熟之间咁，掌握得好好。
小编一餐晏已经有三轮出炉，相信要食到新鲜出炉应该唔难！
味道🐽🐽🐽🐽
抵食🐽🐽🐽
环境🐽🐽🐽🐽
张贴
