影片
更多
2023-08-04
195 浏览
今次同朋友系附近玩完运动就带咗我去呢边嘅大排档食饭，本身去到唔系好抱有期望，因为觉得好似好旧好偏咁，但点知食完真系觉得好唔错，同一个星期即帮衬埋第二次😂———————————————🌟六记招牌鸡煲(半只) $142鸡煲最正嘅地方就系个汁，味道浓郁，咸同甜嘅比例都恰到好处，最重要系个辣度都非常满意，食得好过瘾。鸡肉本身都非常嫩滑，基本上一旧厚皮嘅都见唔到。鸡煲另外仲会配一兜生菜，如果大家有兴趣打边炉都可以继续加配料。.🌟潮洲蚝仔粥 $108呢个蚝仔粥一上就吓亲，比想像中份量多好多，差唔多系有5－7碗嘅份量。最重要嘅系入面有大量蚝，粒粒都肥美，粥底加上盐、胡椒、芫荽等味道系满满嘅鲜味。.🌟椒盐鲜鱿 $118份量满意，同埋佢个炸皮系又薄又香脆，热辣辣放入口真系无得顶！鱿鱼本身亦都好新鲜好弹牙，钟意嘅仲可以点酱汁食又系另一番滋味。.🌟剁椒蒸鱼云 $118呢个蒸鱼云味道唔错，有阵好香嘅辣椒油味，应该系由极高温嘅油再炒辣椒同蒜蓉而成，个汁直头可以打包返去捞面食。鱼云本身亦都好正，滑得嚟仲有丰富嘅胶质，唯一可惜系鱼云可以食嘅部份比较少，所以好大部份都系食佢个味多过肉。.🌟铁板啫啫通菜 $98铁板完全
今次同朋友系附近玩完运动就带咗我去呢边嘅大排档食饭，本身去到唔系好抱有期望，因为觉得好似好旧好偏咁，但点知食完真系觉得好唔错，同一个星期即帮衬埋第二次😂
———————————————
🌟六记招牌鸡煲(半只) $142
鸡煲最正嘅地方就系个汁，味道浓郁，咸同甜嘅比例都恰到好处，最重要系个辣度都非常满意，食得好过瘾。鸡肉本身都非常嫩滑，基本上一旧厚皮嘅都见唔到。鸡煲另外仲会配一兜生菜，如果大家有兴趣打边炉都可以继续加配料。
.
🌟潮洲蚝仔粥 $108
呢个蚝仔粥一上就吓亲，比想像中份量多好多，差唔多系有5－7碗嘅份量。最重要嘅系入面有大量蚝，粒粒都肥美，粥底加上盐、胡椒、芫荽等味道系满满嘅鲜味。
.
🌟椒盐鲜鱿 $118
份量满意，同埋佢个炸皮系又薄又香脆，热辣辣放入口真系无得顶！鱿鱼本身亦都好新鲜好弹牙，钟意嘅仲可以点酱汁食又系另一番滋味。
.
🌟剁椒蒸鱼云 $118
呢个蒸鱼云味道唔错，有阵好香嘅辣椒油味，应该系由极高温嘅油再炒辣椒同蒜蓉而成，个汁直头可以打包返去捞面食。鱼云本身亦都好正，滑得嚟仲有丰富嘅胶质，唯一可惜系鱼云可以食嘅部份比较少，所以好大部份都系食佢个味多过肉。
.
🌟铁板啫啫通菜 $98
铁板完全系够晒热，系超够火喉嘅通菜，而且份量超多，除左通菜外大家仲可以选择其他蔬菜，冇记错果度有接近十种选择。不过建议大家一定要记得捞一捞先，唔系到底个味道就会比较咸。
.
🔸整体评价🔸
冇谂过细细间店可以炒到咁出色嘅味道，如果大家有机会去青衣／青衣体育馆果边都非常推荐呢间大排档🥰
张贴
