COSHA

营业中

休息中

难得上星期平日放假，阿叔决定要me time一吓，中环做完瑜伽后就一个人嚟到呢间位于中半山嘅咖啡店下午茶。🍗Crispy Gee ($145) 翻睇大家嘅社交平台分享，差唔多人人嚟到都食佢。超大块嘅炸鸡扒、加上上层嘅水波蛋、下层嘅牛油果牛角包窝夫，简直系集天使与魔鬼于一身。面对住咁嘅卖相，身为外貌协会会员嘅阿叔我都抵抗唔到呢份诱惑！炸至外皮金黄色嘅炸鸡扒超大块，劲厚切，佢虽然外层酥脆，但入边鸡肉就依然保持嫩滑，肉汁又多。食之前，记得沾埋蛋汁，加埋少少牛油果同埋牛角包窝夫一齐食，非常惹味，极度邪恶。笑！🍹Lychee Tango ($65)食得咁浓味，当然最好配番呢杯以荔枝、芒果、菠萝、香蕉同埋乳酪打匀嘅smoothies，味道够晒清新，更加可以中和番炸鸡扒嘅油腻感。