俺流塩らーめん (東薈城名店倉)

营业中

休息中

【离岛区】【俺流塩らーめん】之前讲到自己去咗东涌做嘢，如果有幸获得大家留意嘅话，𠮶日我系有做直播嘅。而直播𠮶时主要系讲东荟城名店仓 crossover LuLu猪 嘅「夏日绿『豚』园」活动，仲间歇性咁同当时嘅观众做咗少量嘅互动，几难得。不过由于我惯咗出门口完全唔做资料搜集，因此我喺𠮶度系完全唔知自己做乜嘅。一条友喺东荟城游离浪荡，好彩当时冇警察嚟捉我涉嫌「游荡罪」，否则我𠮶刻真系解释唔到自己喺度做乜。个脑放咗阵空之后，就揾嘢食喇。行行吓见到呢间拉面店，好似唔错，加上附近好似冇乜嘢啱食，就入呢间啦。入到去，食佢哋疑似 signature 嘢「俺流盐汤拉面」，$64 嘅价钱，但系质素一般，有块日式叉烧喺度但系都弥补唔到啲乜，普普通通完成一餐。想叫个小食食吓，唔知点解睇咗几多次个 menu 都以为个「明太子芝士烧饺子」系明太子鸡翼，呢六件饺子可以话系因误会而结合。价钱 $42 都唔算好贵，不过由于我一直都以为自己叫紧嘅系鸡翼，因此期望同现实系有落差。价钱方面，最后系 $116 埋单，有一个拉面、一个小食，都系正常嘅价钱，冇咩好挑剔。只系我食完之后先发现，原来呢间嘢喺其他地方都有分店，即刻成件