火車頭酸辣小窩

营业中

休息中

【离岛区】【火车头酸辣小窝】我又入长洲玩蒸身，咁入得去就梗系食埋嘢。之但系我自己一个去食嘅，食到嘅嘢始终有限。又咁讲，自己一个去嘅话自由度又大好多，我可以自己选择几时食同埋自己拣食啲乜。不过蒸身前唔可以太饱，快啲食。行极都揾唔到啱心水嘅嘢食，我又唔会好似「Philip Wong」呢个角色咁周围扣人五十分，不过呢个时候，我就见到啲嘢。讲紧嘅系之前闲逛长洲𠮶几次成日见到嘅呢间火车头米线，好似几受岛上居民欢迎，好，就用你啦。首先见到佢个经典自选汤底有酸辣、麻辣、香辣、猪骨、芫茜皮蛋、胡椒猪肚，仲有超浓蕃茄汤，都几多选择㖞，估佢唔到。不过最后我拣咗「蚬肉紫菜汤」配「米通」，啲蚬肉劲多，有成廿几卅只仲要冇沙，连埋紫菜劲正。配料方面我拣咗长洲鱼蛋、腩肉、芝士竹轮同埋墨鱼春卷，一场嚟到食多几款𩠌嘛，个芝士竹轮系芝心狮子狗，好正，反而长洲鱼蛋系普通 size 而非大鱼蛋，大家要留意吓。嘢饮我要「菠萝果茶」少甜少冰，几重果味，正。咁就玩咗 $93，不过作为游客，加多 $16 要多两件「虾仔鸡翼」唔系好过份啫，而日式芝麻酱加脆虾米配落鸡翼度系非常邪恶嘅。最后餐饭 $109，一次半次冇乜所谓，而且质素都唔错