影片
更多
2021-06-06
332 浏览
Wheeee (｡･ω･｡)ﾉ٩(˃̶͈̀௰˂̶͈́)و【风流居酒屋 真系好鬼伏 等得先好book】星期日谂住同屋企人去支持吓黄店就去咗大围呢间风流居酒屋，点知喺各方面都真系好伏🥲我哋4个冇book位，12点几去到walk in，应该得返门口张大枱，虽然有啲逼、要摄入去坐低，𣎴过都冇所谓啦～坐低发现得3只杯，都冇所谓啦，问佢攞返就ok啦～点知佢俾只崩嘅茶杯我哋😂好啦十二点七落order，十二点九要炸嘅两个饭嚟哂，鱼生饭都可以未嚟（后面𠮶枱都一样喺到等鱼生饭）最后系一点搭二！系一点搭二先嚟到！鱼生饭要等半个几钟，唔讲以为佢喺厨房入面钓紧鱼😀我哋话个鱼生饭未嚟，佢哋话整紧，之后大约一点听到佢哋话「师傅返喇」🙂师傅未返工，你不如同我讲话冇鱼生饭，等我哋嗌第二样嘢食？仲有，有鱼生，但系唔俾豉油碟系咩玩法🥲直接倒豉油落啲饭到豉油捞饭？虽然食物质素ok，但系我绝对唔会再去食。有咁多间黄店，唔系一定要支持你呢间🙂～我是Menu～日式炸鸡丼 $72炸鸡炸得有啲硬，唔系好食𠮶只酥脆，鸡肉亦唔系嫩滑多汁，呢个价钱喺黄大仙一间炸鸡店已经可以食到呕，唔推荐。天丼 $88有三只炸虾、两块南瓜、一嚿茄子、四份一粒菇、一条秋葵
【风流居酒屋 真系好鬼伏 等得先好book】
8 浏览
0 赞好
0 留言
星期日谂住同屋企人去支持吓黄店就去咗大围呢间风流居酒屋，点知喺各方面都真系好伏🥲
我哋4个冇book位，12点几去到walk in，应该得返门口张大枱，虽然有啲逼、要摄入去坐低，𣎴过都冇所谓啦～坐低发现得3只杯，都冇所谓啦，问佢攞返就ok啦～点知佢俾只崩嘅茶杯我哋😂
好啦十二点七落order，十二点九要炸嘅两个饭嚟哂，鱼生饭都可以未嚟（后面𠮶枱都一样喺到等鱼生饭）最后系一点搭二！系一点搭二先嚟到！鱼生饭要等半个几钟，唔讲以为佢喺厨房入面钓紧鱼😀我哋话个鱼生饭未嚟，佢哋话整紧，之后大约一点听到佢哋话「师傅返喇」🙂师傅未返工，你不如同我讲话冇鱼生饭，等我哋嗌第二样嘢食？
仲有，有鱼生，但系唔俾豉油碟系咩玩法🥲直接倒豉油落啲饭到豉油捞饭？
虽然食物质素ok，但系我绝对唔会再去食。有咁多间黄店，唔系一定要支持你呢间🙂
～我是Menu～
日式炸鸡丼
$72
13 浏览
0 赞好
0 留言
日式炸鸡丼 $72
炸鸡炸得有啲硬，唔系好食𠮶只酥脆，鸡肉亦唔系嫩滑多汁，呢个价钱喺黄大仙一间炸鸡店已经可以食到呕，唔推荐。
天丼
$88
9 浏览
0 赞好
0 留言
天丼 $88
有三只炸虾、两块南瓜、一嚿茄子、四份一粒菇、一条秋葵、一条粟米仔。呢个真系几好食，特别系粟米仔，冇草青味得嚟仲够哂爽脆，非常有惊喜。
海胆三文鱼丼
$88
19 浏览
0 赞好
0 留言
海胆三文鱼丼 $88
几块薄切三文鱼加几嚿海胆，味道ok，海胆唔臭，但唔系话好好食。
（大埔有间黄店平过佢，但海胆系鲜甜，超好食。）
风流三色丼
$88
6 浏览
0 赞好
0 留言
风流三色丼 $88
呢个少啲三文鱼同海胆，多咗带子。睇落都几大块，不过唔厚，佢应该有将带子一开二，所以先咁薄。味道一样系正常啦。
～评分～ (5分满分）
环境：🦦🦦🦦
食物：🍯🍯🍯
服务：🐻
总分：💛💛💛
٩(˃̶͈̀௰˂̶͈́)و：等到热饭都食晒都仲未有冷饭，啲鱼系咪仲未㓥完 T^T 好饿啊
(｡･ω･｡)ﾉ：最好食过好多间黄店都好正，系得佢一间咁伏🙃
地址：
风流居酒屋 (大围)
大围大围村第3街32号地舖
张贴
