影片
更多
2021-03-25
69 浏览
海之恋上年开幕之后，虽然都有嚟过几次，不过都未试过商场内的餐厅，今日放假，做完运动4点几，就嚟食个EARLY DINNER。我钟意食烧味，如果烧味唔会令我变肥，我愿意日日食，哈哈～因为时间尚早，所以去到就有位。先量体温，填妥到访记录表格后，就被职员带入位。餐厅装修有别于传统食烧味嘅餐厅，地方阔落、采用木系和全白色系简约风格，令整个感觉都年轻。餐厅的窗望到汴傍，将自然光采入，予人一种更和谐舒适的感觉。话明系新派烧味餐厅，从餐牌设计和食物款式上可见一斑。除了单拼或双拼烧味饭外，令人意想不到是甜品，还要是西式甜品。而烧味也不只是配上白饭，更鲜有创意地配上夹馍，十分特别；餐厅右边仲有饮品部同雪糕站，的确有别于平时嘅烧味餐厅。餐厅招牌系烧鹅，无理由唔点；另外我自己本身钟意食叉烧，朋友想试麻辣捞丁，甜品写明制作需时，我谂应该系即叫即整，一于试埋，就点多个窝夫，每人一杯饮品。呢餐食完，真系好饱～好彩当日喺屋企只系食咗 EARLY LUNCH～ 我哋叫咗原只柑橘烧鹅脾饭、火焰黑豚腩叉烧、麻辣蒜香凉拌手撕贵妃鸡捞丁、鲜果窝夫配5.0牛奶雪糕、热黑芝麻奶茶及乌龙芝士奶盖。原只柑橘烧鹅髀饭 $128烧鹅髀饭
我钟意食烧味，如果烧味唔会令我变肥，我愿意日日食，哈哈～因为时间尚早，所以去到就有位。先量体温，填妥到访记录表格后，就被职员带入位。餐厅装修有别于传统食烧味嘅餐厅，地方阔落、采用木系和全白色系简约风格，令整个感觉都年轻。餐厅的窗望到汴傍，将自然光采入，予人一种更和谐舒适的感觉。
话明系新派烧味餐厅，从餐牌设计和食物款式上可见一斑。除了单拼或双拼烧味饭外，令人意想不到是甜品，还要是西式甜品。而烧味也不只是配上白饭，更鲜有创意地配上夹馍，十分特别；餐厅右边仲有饮品部同雪糕站，的确有别于平时嘅烧味餐厅。餐厅招牌系烧鹅，无理由唔点；另外我自己本身钟意食叉烧，朋友想试麻辣捞丁，甜品写明制作需时，我谂应该系即叫即整，一于试埋，就点多个窝夫，每人一杯饮品。呢餐食完，真系好饱～好彩当日喺屋企只系食咗 EARLY LUNCH～ 我哋叫咗原只柑橘烧鹅脾饭、火焰黑豚腩叉烧、麻辣蒜香凉拌手撕贵妃鸡捞丁、鲜果窝夫配5.0牛奶雪糕、热黑芝麻奶茶及乌龙芝士奶盖。
原只柑橘烧鹅髀饭 $128
原只柑橘烧鹅髀饭
$128
12 浏览
0 赞好
0 留言
烧鹅髀饭，索价$128，绝对唔平，大大只烧鹅髀原只上，个样超吸引。呢度嘅烧鹅同出面唔同，根据介绍，佢系用咗橙、柠檬同青柠将鹅腌制18小时，令新鲜嘅果香味慢慢渗透成只鹅，令到鹅嘅肉质更松化，去除膻味。
原只柑橘烧鹅髀饭
$128
6 浏览
0 赞好
0 留言
烧鹅外皮色泽不错，泛油光；皮脆甘香，肉嫩而多汁，每一啖都有油香同果香，沾埋自家用鲜橙熬制嘅柑橘酱，味道酸酸甜甜，令人愈食愈开胃，肥腻感得以中和之余，感觉清新咗，同平时食烧味肥腻的感觉截然不同，味道层次亦有所提升。烧鹅中间有层好丰富既油脂，真系劲邪恶，但鹅油食住嚟扒饭又真系好好食！
原只柑橘烧鹅髀饭
$128
10 浏览
0 赞好
0 留言
火焰黑豚腩叉烧 $148
火焰黑豚腩叉烧
$148
7 浏览
0 赞好
0 留言
火焰系列只系堂食，我哋好有兴趣，所以就决定试下烧黑豚腩叉烧。店员先送上火炉，放上黑豚肉叉烧，之后提醒我哋要影得快，叫我哋准备好。我哋表示准备好之后，佢就喺我哋面前点火，我就快手拍片，边拍边影。
火焰黑豚腩叉烧
$148
7 浏览
0 赞好
0 留言
火焰黑豚腩叉烧
$148
9 浏览
0 赞好
0 留言
因为我影得太慢，结果有几块都系烧得太黑@@好彩仲有一啲系正常嘅。烧完嘅黑豚腩叉烧热辣辣，油脂超丰富，加上半肥瘦又有焦香，几惹味，不过个人觉得肉质就无烧腩仔咁嫩腍。同埋，唔知系咪我哋唔太好彩，厨师漏咗加蜜糖喺面，我哋嘅黑豚腩比较干身，亦无乜蜜糖味，令到钟意食叉烧嘅我有点失望。
麻辣蒜香凉拌手撕贵妃鸡捞丁 $80
我唔系好食得辣，不过个样几吸引，所以就叫朋友畀少少我试下！哗，呢个捞丁真系几辣，蒜味又浓，而且好够「麻」，我食少少都觉得条脷有「痺」嘅感觉，搞到我好似食紧麻辣火锅。
麻辣蒜香凉拌手撕贵妃鸡捞丁
$80
11 浏览
0 赞好
0 留言
平时捞面都系热食，呢个系凉拌，过咗冷河，所以面条食落都几爽口。手撕鸡口感嫩滑，份量都可以；除手撕鸡之外，仲有青瓜丝、萝卜丝同沙葛丝，令口感更加丰富。不过，始终对我嚟讲都系辣，而且我嫌太油（不过通常麻辣嘅嘢都系偏油，只系我自己食唔惯），所以我食咗少少就无再食。
热黑芝麻奶茶 $28
热黑芝麻奶茶
$28
8 浏览
0 赞好
0 留言
因为我唔想饮芝士奶盖，但又想试下特饮，见到有呢个较特别嘅奶茶，就一于试下，黑芝麻感觉好养生。黑芝麻奶茶香味浓，本身以为只系用黑芝麻粉开，无谂过原来系用黑芝麻原粒磨细，再加入奶茶入面。同时，呢杯奶茶饮得出个茶胆唔系普通𠮶啲，一啲都唔嚡口，甜度亦适中，很有惊喜！饮嘅时候又食到啲黑芝麻粒粒，口感丰富，意外地好饮。黑芝麻据讲有好多好处，可以补肝肾、助通便、减轻皮肤粗糙、仲可以抗氧化，帮助控制胆固醇水平，好岩女生饮～
乌龙芝士奶盖（少甜） $28
呢杯系朋友嘅，佢话水准唔错，芝士奶盖够香够滑，配埋少甜清香嘅乌龙茶，好夹，比某些台式饮品店更加好喝。
乌龙芝士奶盖（少甜）
$28
4 浏览
0 赞好
0 留言
鲜果窝夫配5.0牛奶雪糕 $68
女生就系有个甜品胃。虽然食完个饭同叉烧，再加杯嘢饮，已经饱咗，但见到甜品就依然想食。只系令人出乎意料嘅系，个窝夫份量好足，4个人食都够！！
鲜果窝夫配5.0牛奶雪糕
$68
13 浏览
0 赞好
0 留言
鲜果窝夫配5.0牛奶雪糕
$68
6 浏览
0 赞好
0 留言
窝夫卖相好掂，见到个样已经感觉系好食个种。窝夫即叫即做，除咗够大份够厚之外，上台𠮶阵仲热烘烘，未食已经闻到好香嘅蛋味。窝夫外层香脆，中间亦非空心，口感好好，外脆内软，配埋雪糕一齐食，一冷一热，有种冰火交融嘅感觉。水果系新鲜嘅蓝莓同士多啤梨，好爽甜，一齐食有助解腻。
鲜果窝夫配5.0牛奶雪糕
$68
8 浏览
0 赞好
0 留言
值得一提嘅系窝夫上面嘅雪糕，用咗北海道5.0牛奶制作，超重奶味，但系甜度适中，又软滑，入口即溶，绝对唔系个啲有冰粒嘅雪糕，真系好足料好好味，加分！如果大家食唔落窝夫，都不妨试下个雪糕，推介！
呢餐饭有呢个甜品作结，都算圆满。
张贴
