影片
更多
2021-09-15
62 浏览
得两个人食饭但又想试多啲款，见呢间西班牙菜好多小食，价钱都相宜，可以一次过试好多款式🤩🤩，今餐一于拣佢啦！食物味道全部都唔错，尤其甜品真系攞满分💯！不过我未去过西班牙，唔知佢系咪传统风味🤔，去过嘅你唔该帮手鉴赏下/回味下啦😆～～～🌖传统蕃茄多士 $33番茄🍅好清新同新鲜，但又唔会有草青味，仲有淡淡橄榄🫒味～～～🌖地中海鳀鱼沙律 $88颜色超级colorful🌈！有橙肉、蕃茄、萝卜仔、芝士碎同鳀鱼，上面仲淋上橄榄油增添油润感。鳀鱼份量唔多，肉质讲唔上嫩滑，但正正系呢个口感先令人容易与其他食材食出分别，咁先至有存在感；番茄🍅系肉茄，水份软少，唔会冲散鱼肉嘅味道；橙肉味道稍酸，为之后嘅炸物、肉类掀开序幕。🌖鱿鱼可乐饼$15；🌗松露蘑菇可乐饼$15有得一粒粒咁嗌，所以每款都叫左一粒～平时嘅可乐饼外层香脆，内里薯泥软滑，鱿鱼可乐饼内除此之外仲系薯泥中加入墨汁，系视觉上带黎新鲜感，薯泥中更有一块块薄身鱿鱼🦑，为可乐饼增添多一重口感，系一个几新奇得意嘅尝试。松露蘑菇可乐饼口感松软湿润，蘑菇味超重，但松露味欠奉。🌖慢煮黑毛猪 $188猪肉无腥味，肥肪较少，但慢煮够晒安全，一定唔会老！肉质有咬口，调味适
6 浏览
0 赞好
0 留言
番茄🍅好清新同新鲜，但又唔会有草青味，仲有淡淡橄榄🫒味～～～
地中海鳀鱼沙律
$88
10 浏览
0 赞好
0 留言
颜色超级colorful🌈！有橙肉、蕃茄、萝卜仔、芝士碎同鳀鱼，上面仲淋上橄榄油增添油润感。鳀鱼份量唔多，肉质讲唔上嫩滑，但正正系呢个口感先令人容易与其他食材食出分别，咁先至有存在感；番茄🍅系肉茄，水份软少，唔会冲散鱼肉嘅味道；橙肉味道稍酸，为之后嘅炸物、肉类掀开序幕。
鱿鱼可乐饼;松露蘑菇可乐饼
$15
9 浏览
0 赞好
0 留言
有得一粒粒咁嗌，所以每款都叫左一粒～
平时嘅可乐饼外层香脆，内里薯泥软滑，鱿鱼可乐饼内除此之外仲系薯泥中加入墨汁，系视觉上带黎新鲜感，薯泥中更有一块块薄身鱿鱼🦑，为可乐饼增添多一重口感，系一个几新奇得意嘅尝试。
松露蘑菇可乐饼口感松软湿润，蘑菇味超重，但松露味欠奉。
慢煮黑毛猪
$188
5 浏览
0 赞好
0 留言
猪肉无腥味，肥肪较少，但慢煮够晒安全，一定唔会老！肉质有咬口，调味适中唔会过咸，唯份量较少，不过可以一次过试埋炸西班牙青椒🫑，呢个价钱黎讲都合理。
西班牙坏蛋薯条
$78
4 浏览
0 赞好
0 留言
薯条🍟系偏饼干style 嘅幼薯条，幼嘅程度只系粗意粉少少。薯条好香脆，薯仔味好重，同粗薯条中空嘅口感好唔同。店员提议拌匀黎食，蛋汁流到薯条之中，令薯条轻微变软，微软（Microsoft?）同香脆嘅口感互相交替。蛋上面仲有烟肉🥓粒，不过我觉得太咸㖞。
始终唔明点解佢叫坏蛋薯条🤔，莫非因为太好味叫人食唔停口，食得多好易爆疮所以是之为坏蛋也？
西班牙油炸鬼
$68
10 浏览
0 赞好
0 留言
一上枱已经闻到好香肉桂味，未食已经俾佢吸引住，放入口先知原来Churros 可以咁好食🤩🤩！Churros 外层香脆们一都都唔油腻，沾满砂糖够晒香甜，内𥚃唔会干噌噌，有少少似面包布甸得黎又唔会太湿。除左食原味之外仲配有朱古力浆同云呢拿雪糕🍨，云呢拿雪糕绝对唔系颓野！有粒粒云呢拿籽之余仲好香软，朱古力唔会太甜，苦苦地加埋沾满砂糖嘅Churros先唔会漏～～～
如果食晒Churros 仲有朱古力浆同雪糕剩可以将朱古力浆放入雪糕之中（建议一次唔好倒太多，形状尽量一丝丝，否则好难凝固），咁你就可以得到凝固左嘅朱古力🍫😆。
巴斯克芝士蛋糕
$68
10 浏览
0 赞好
0 留言
巴斯克芝士蛋糕虽然样样衰衰🧟♂️，外观唔多讨好，但靠实力取胜超级软滑，仲要劲重芝士味，甚得我欢心！我唔知点先为之一个好嘅巴斯克芝士蛋糕，但呢个真系好啱我口味❤️❤️❤️！
Damm Lemon Sandy
$58
2 浏览
0 赞好
0 留言
油腻热气野最啱配酸啤！虽然有柠檬🍋味但其实又唔算好酸，但可以肯定嘅系呢支啤一定唔算苦！
Sangaria
$68
2 浏览
0 赞好
0 留言
之前去过英国🇬🇧嘅圣诞市集饮过Sangaria，以为Sangaria 一定系热饮，原来我错了😆，其实系Mulled Wine 先系热饮，同埋多数都系圣诞先饮。
Wiki 话Sangaria 系红酒🍷同生果调配混合而成嘅饮品，起源于西班牙/葡萄牙，serving temperature 系cold / chilled，系西班牙餐厅酒吧常会提供嘅饮品，另外仲有白酒版本（Sangaria Blanca)。
-
🤵🏻服务几好（可能因为系老板关系），有客人cancel booking 所以多左张四人枱，店员主动帮我哋由二人bar 枱转左过去；坐低咗之后又主动介绍菜式，讲定边道菜卖晒，等我唔洗谂好晒食乜先一场空。
第一次order 嘅时候已经叫左一份甜品，第二次order 嘅时候再叫多一份，店员劲贴❤️咁提醒我地本身已经叫一份，confirm 我地真系要两份（定系我地太大食吓亲佢😝）。食完main course 叫上甜品之后，仲秒速就过左黎同我换餐碟！
👎🏻唯一扣分位就系上菜碟唔够清洁干爽，因为我成日影相都会将食物左搬右搬，所以经常都会掂到碟底，系呢一方面都保持清洁无油淋淋就更好。
👂🏻偷听到隔离枱问包场详情，餐厅可以容纳30人，价格为平日$10,000，假日$15,000，计返每人三百几四百，扣返酒水其实唔算好贵，同我今餐咁上下价钱，迟d 放宽返堂食真系可以考虑下。
张贴
