影片
更多
2019-11-27
240 浏览
【饮食】讲女食记 || 火锅控鲜味粥底火锅 - 观塘「发哥粥底海鲜火锅」------------------------------Workshop 楼下开左间新茶记，原来果铺位，日头开茶记，晚间就会变身成为火锅店，作为火锅控的ms.C当然唔可以错过。由于日头系冰室茶记关系，所以4人以下的枱系卡位为主，人多既就可以坐圆枱。枱同枱之间同卡位空间宽敞，就算4个人坐卡位唔会太迫好舒服。「发哥粥底海鲜火锅」不是任食火锅，火锅料按人头计，包开胃凉菜2小碟、一人一盅时令炖汤，蒜蓉泰酱焗青口(2只) ，主食可三选一鸡堡、龙虾餐（每位半只）、海蟹餐（每位半只）由 $248 - $288，更有大胃王海鲜套餐(原只龙虾+原只海蟹) $438；海鲜拼盘(新鲜鲍鱼、圣子皇、贵妃蚌、多宝鱼、黄金蚬、海虾、时令贝) + 安格斯牛肩肉 + 8款自选火锅配料，竹蔗水及各种汽水任饮，起初以为会唔够饱，但好戏在后头。------------------------------店家建议我地两个人，可以各点一份龙虾餐&一份海蟹餐，可以食到龙虾同时用蟹煲的粥底会更加鲜甜。未上粥底火锅之前，先上开胃凉菜2小碟： 拍青瓜 -
------------------------------
Workshop 楼下开左间新茶记，原来果铺位，日头开茶记，晚间就会变身成为火锅店，作为火锅控的ms.C当然唔可以错过。
由于日头系冰室茶记关系，所以4人以下的枱系卡位为主，人多既就可以坐圆枱。枱同枱之间同卡位空间宽敞，就算4个人坐卡位唔会太迫好舒服。
「发哥粥底海鲜火锅」不是任食火锅，火锅料按人头计，包开胃凉菜2小碟、一人一盅时令炖汤，蒜蓉泰酱焗青口(2只) ，主食可三选一鸡堡、龙虾餐（每位半只）、海蟹餐（每位半只）由 $248 - $288，更有大胃王海鲜套餐(原只龙虾+原只海蟹) $438；海鲜拼盘(新鲜鲍鱼、圣子皇、贵妃蚌、多宝鱼、黄金蚬、海虾、时令贝) + 安格斯牛肩肉 + 8款自选火锅配料，竹蔗水及各种汽水任饮，起初以为会唔够饱，但好戏在后头。
------------------------------
店家建议我地两个人，可以各点一份龙虾餐&一份海蟹餐，可以食到龙虾同时用蟹煲的粥底会更加鲜甜。
未上粥底火锅之前，先上开胃凉菜2小碟：
拍青瓜 - 酸度够用黎开胃一流
炆花生 - 花生炆得够淋身入味
------------------------------
时令炖汤 - 汤有螺肉、鸡脚、猪肉、龙眼，材料充足
------------------------------
蒜蓉泰酱焗青口(2只) - 泰酱+蒜蓉味香浓
------------------------------
上粥底火锅，锅底本是无米粥水，之后会加入其他材料熬粥。
海鲜盘 - 份量充足好丰富，而且材料新鲜。一个海鲜拼盘(圣子皇、贵妃蚌、多宝鱼、黄金蚬、海虾、时令贝)，同时店家建议我地点新鲜鲍鱼，放进粥底灼熟，不加调味料鲜味十足。
点了龙虾餐&海蟹餐各有半只，肉质同样鲜甜爽口，绝不欺场。
蚬肉肥美
食完海鲜其实都已经有7成饱，
安格斯牛肩肉 - 牛肉纹理鲜明，我地仲同时点了日本黑豚肉 & 滑牛肉，3款都肉味浓，同粥底十分之夹。
仲有其他8款食物，点了几款都是可以配上粥底火锅的配料。
脆鲩鱼腩 - 同样是可以用黎熬粥，店家私人食法介绍，食脆鲩鱼腩要灼10分钟先食，才食得出"脆"味。
自家制虾滑 - 爽口弹牙，虾滑鲜味，同粥底好夹
------------------------------
食到一半记住加入埋附送的粟米南瓜芋头，先可以令粥底越煲越甜，最后店家仲会帮手加入粥胆，菜圃同葱，
一煲熟，成煲汇粹成餐饭的精华，食食下不知不觉食到两大碗。
------------------------------
温馨建议，由于「发哥粥底海鲜火锅」不设限时限坐，可以由开铺坐到收铺都得，我地7点去到人流唔算好多，但越夜越多人，建议人多的都系订定枱稳阵。
------------------------------
张贴
