影片
更多
2017-02-03
395 浏览
今日完全冇准备之下，误打误撞去咗沙嗲王食晚饭，仲俾我哋撞正地缚猫食咗个喵样饭！ 本来打算去食P沙乞，但系有人话唔想去，所以我即刻转场去咗附近嘅沙嗲王，点知一上到去就俾我哋遇到地缚猫，我都知道最近沙嗲王同妖怪手表做紧Crossover，直到2月17日止 店内冇特别好大改动，只系每张枱餐牌见到地缚喵同埋一入门口有个大POPs可以供大家影相 窗边卡位都有唔同嘅剧照放咗喺度！ 落咗单之后第一时间梗系去同咁多只喵影相先啦！ 如果可以同埋地缚喵一齐食饭实开心死佢哋 虽然一场嚟到，但系都唔可以只系叫儿童餐㗎！所以我哋都Order番D大人食嘅嘢，呢个芝士焗牛柳饭无得顶，牛柳超林好易哨，芝士又香又拉到丝 印度薄饼配咖喱就必定嗌啦！ 白咖喱猪扒饭都系我哋嘅至爱，因为唔太辣(几乎唔辣)，所以都啱小朋友食 酥炸蒜香鸡翼同埋芝士馅饼都好好味道，两款都外脆内软滑，最紧要唔贵好平好抵食 叫饮品点少得一杯系地缚喵造型$29，原来有件啫喱喺饮品里面！ 凡点选任何妖怪美食及饮品均配送全球独家贴纸乙张，全数共10款，集齐贴纸可贴上限定 A4 文件夹！ 万众期待喵样饭出场啦！两个小朋友一见到即「哗！」一声，未
本来打算去食P沙乞，但系有人话唔想去，所以我即刻转场去咗附近嘅沙嗲王，点知一上到去就俾我哋遇到地缚猫，我都知道最近沙嗲王同妖怪手表做紧Crossover，直到2月17日止
店内冇特别好大改动，只系每张枱餐牌见到地缚喵同埋一入门口有个大POPs可以供大家影相
窗边卡位都有唔同嘅剧照放咗喺度！
落咗单之后第一时间梗系去同咁多只喵影相先啦！
如果可以同埋地缚喵一齐食饭实开心死佢哋
虽然一场嚟到，但系都唔可以只系叫儿童餐㗎！所以我哋都Order番D大人食嘅嘢，呢个芝士焗牛柳饭无得顶，牛柳超林好易哨，芝士又香又拉到丝
印度薄饼配咖喱就必定嗌啦！
白咖喱猪扒饭都系我哋嘅至爱，因为唔太辣(几乎唔辣)，所以都啱小朋友食
酥炸蒜香鸡翼同埋芝士馅饼都好好味道，两款都外脆内软滑，最紧要唔贵好平好抵食
叫饮品点少得一杯系地缚喵造型$29，原来有件啫喱喺饮品里面！
凡点选任何妖怪美食及饮品均配送全球独家贴纸乙张，全数共10款，集齐贴纸可贴上限定 A4 文件夹！万众期待喵样饭出场啦！两个小朋友一见到即「哗！」一声，未食都已经好开心！
平时去开卡通角色造型餐厅，多数遇着好睇唔好食，但系今次呢个喵样饭又好睇又好食！
最后再落Order叫埋呢碟铁板巨型鸡脾饭，真系成块面咁大只，仲有皮脆肉滑真系啖啖肉好好食！
张贴
