一鼎‧台式火鍋 (MOSTown新港城中心(4期))

营业中

休息中

今日去咗马鞍山新港城中心一间叫「一鼎‧台式火锅」餐厅食火锅放题，我哋嗌咗一人$289嘅澳洲200日谷饲牛吃到饱套餐，总共食90分钟。餐厅嘅环境干净，自助区嘅卫生程度理想，而且系一人一锅，有6-8款嘅火锅锅底可以选择。我哋嗌咗蕃客为主同红烧火牛两个汤底，蕃客为主有浓郁嘅鲜蕃茄味同菠萝，令到个锅底带有酸味，非常开胃；红烧火牛用咗多种药材、牛肉、牛骨同牛脂熬制而成，成个汤底充满浓郁嘅牛味，啱晒用嚟煮牛肉；汤底滚到咁上下可以自己添加猪骨汤，比加清水更浓味！肉类最推介一鼎谷饲牛、澳洲纯和牛、特级牛舌同澳洲200日谷饲牛，全部都系薄切，牛味几浓郁，QR code下单后嘅上菜速度都几快；自助区有多款蔬菜、丸类、粉面类同饮品，仲有自助雪糕机，可以整杯装或筒装嘅牛乳雪糕或芒果雪糕；另外仲有多款台湾小食，当中包括我最钟意嘅卤肉饭；每人仲可以限嗌一杯台式饮品，我哋嗌咗牛奶冬瓜茶同百香果三重奏，饮品唔算太甜，可以中和火锅嘅油腻。📍马鞍山鞍禄街18号MOSTown新港城中心(4期)2楼2001号舖位置就脚：🍊🍊🍊🍊餐厅环境：🍊🍊🍊🍊食物味道：🍊🍊🍊🍊整体CP值：🍊🍊🍊🍊🍊