影片
更多
2021-08-22
137 浏览
早前同朋友都想去一间大家都方便就脚任食放题，发现咗呢间位于旺角闹市嘅任食放题，$228加一可以任饮任食，有鸡煲同打边炉，仲有几十种配料任拣，而且仲系无限时添，同朋友倾偈唔使就住时间啦，晚市仲开到凌晨12点，价钱同性价比极高，简直系同亲朋戚聚会嘅首选。值得一赞嘅系，呢度所有店员都好主动积极同有有礼貌。麻辣鸡煲首先坐低后侍应就会先黎一个鸡煲，有小中大辣度任君选择，侍应将鸡煲焗完再炒，炒完再焗，打开煲盖香味已经出晒嚟，鸡件份量估计有一只鸡，份量好多，鸡件肉质嫩滑入味，鸡煲酱汁配上花椒丶洋葱，同埋大量嘅芫荽，辣得黎好有层次，再落埋新鲜即炸响铃，索晒鸡煲入边嘅既酱汁黎食，劲香浓惹味。浓胶花胶鸡锅呢度汤底起码有10多款选择，我哋选择左浓汤花胶鸡锅，女侍应首先会提醒可以先饮碗花胶鸡汤然后再打边炉，花胶鸡汤味道浓郁得嚟好清甜，汤底仲有花胶丶鸡肉丶鲜冬菇丶杞子及粟米等，劲足料。鲍鱼花胶海鲜盘海鲜拼盘有好多唔同嘅海鲜，包括有鲍鱼、蚬类、扇贝丶花胶、大虾等，全部食材都好新鲜，鲍鱼劲大只，上枱时仲喺只碟度郁吓郁吓，食落鲜味弹牙；蚬肉无沙，同样好鲜味，带点微微咸水味，其他滚熟左啲海鲜唔使加调味料就咁食，已经食得
早前同朋友都想去一间大家都方便就脚任食放题，发现咗呢间位于旺角闹市嘅任食放题，$228加一可以任饮任食，有鸡煲同打边炉，仲有几十种配料任拣，而且仲系无限时添，同朋友倾偈唔使就住时间啦，晚市仲开到凌晨12点，价钱同性价比极高，简直系同亲朋戚聚会嘅首选。值得一赞嘅系，呢度所有店员都好主动积极同有有礼貌。
麻辣鸡煲
首先坐低后侍应就会先黎一个鸡煲，有小中大辣度任君选择，侍应将鸡煲焗完再炒，炒完再焗，打开煲盖香味已经出晒嚟，鸡件份量估计有一只鸡，份量好多，鸡件肉质嫩滑入味，鸡煲酱汁配上花椒丶洋葱，同埋大量嘅芫荽，辣得黎好有层次，再落埋新鲜即炸响铃，索晒鸡煲入边嘅既酱汁黎食，劲香浓惹味。
浓胶花胶鸡锅
呢度汤底起码有10多款选择，我哋选择左浓汤花胶鸡锅，女侍应首先会提醒可以先饮碗花胶鸡汤然后再打边炉，花胶鸡汤味道浓郁得嚟好清甜，汤底仲有花胶丶鸡肉丶鲜冬菇丶杞子及粟米等，劲足料。
鲍鱼花胶海鲜盘
海鲜拼盘有好多唔同嘅海鲜，包括有鲍鱼、蚬类、扇贝丶花胶、大虾等，全部食材都好新鲜，鲍鱼劲大只，上枱时仲喺只碟度郁吓郁吓，食落鲜味弹牙；蚬肉无沙，同样好鲜味，带点微微咸水味，其他滚熟左啲海鲜唔使加调味料就咁食，已经食得出好鲜味，净系呢个海鲜拼盘都已经值回票价。
安格斯牛颈脊
呢个同样系任食，肉味浓，口感软淋，食落唔会韧。
除咗牛肉，仲有西班牙白豚肉、手打虾丸丶自家制水饺丶龙趸、同四十款火锅配料任食，材料好新鲜，另外仲有汽水、果汁、自家制凉茶、雪糕等任饮任食。
张贴
