豚王 (已結業)

话说本身谂住食附近嘅三田，但食得太多次谂住转战一次一兰，见到要排40分钟就二话不说行过嚟豚王，当日系星期日嘅下奏两点半左右，两个人唔使排队可以即刻入座，不过就要坐Bar枱。Bar枱唔会坐到只脚条条揈，因为有一级刚刚好可以放脚，但就无挂勾勾袋。事隔几年后由铜锣湾转战尖沙咀，虽然加咗价，但仍然有好多可以自选嘅项目，酱料、辣度、面条种类、软硬度都有得拣，适合我呢啲多多要求嘅食家 😂当日限定王系鲣鱼王，虽然话数量限定，但竟然到两点半都仲有得卖，不过我对呢啲特别版食物无太大兴趣，普普通通拣返豚王就好。期待已久嘅豚王终于上枱，奶白色猪骨汤底超香，食拉面一定系饮啖汤先，好咸！不过食开超重口味嘅我觉得好正，但男朋友饮完一啖狂饮水。面条偏向幼身，即使已经拣咗太面条，腩肉嘅脂肪比例占咗成块肉50%，正宗半口脂肪半口肉，不过切得非常薄身，所以食落都唔会成口油脂。整体可以畀返 78 分，可能因为拣咗多酱油所以偏咸，而且唔食得辣所以无拣任何辣度，同埋食溏心蛋仲要另外加钱。下次嚟我一定会再食豚王呢款面㗎！而男友拣个款鲣鱼王确实唔系我嘅口味，不过食落鲣鱼味好重，男友就觉得太咸，而且限定咗好多自选项目无得拣，佢𠮶下有