力天冰室

营业中

休息中

【黄大仙区】【力天冰室】我一向要写黄大仙区嘅时候，都习惯性咁杀落新蒲岗揾嘢食。之前同大家提及过，喺 Mikiki 商场对面嘅𠮶堆食肆其实我都食到八八九九，因此，我都要向另一边埋手。行到去见到都有几间餐厅，第一间就系呢间，就用你啦。入到去就叫咗个 $58 嘅常餐，主食系「生滚鲜牛肉猪润双拼公仔面」，本身鲜牛肉同猪润我都想食，谂唔到叫边款好，点知佢整个双并，我即刻投降。味道上都可以啦，热辣辣一碗面啰，同埋两款料都正正常常，一次食晒就好。而配菜嘅「烟腩片炒滑蛋」同埋「练乳丹麦酥」都系几特别嘅选择，同一般常餐有所不同，食落就算味道只系 okay 都赢个新鲜感。嘢饮我都系一如以往咁饮具香港特色嘅「热奶茶」，佢哋都冲得唔错，茶餐厅嚟讲属于中上。食多份 $44 嘅开心下午茶「特厚花生酱西多士」，大家都知我好多时食茶记都会食埋西多。佢呢份都算厚身，花生酱又够，只系糖浆用散装嘅有啲美中不足。餐饮我饮「热杏仁霜」都唔错，夹埋食咗我 $102，食两个餐差唔多啦。。。（地址：新蒲岗崇龄街 65-89 号崇龄大厦地下 08-09 号舖）#1amfoodie #foodie #hkfoodie #thatfood