影片
更多
2023-05-06
790 浏览
【黄大仙区】【和气食堂】写黄大仙区对我嚟讲都几难，因为我喺呢区去亲都系新蒲岗，除咗开 page 初期都食过吓其他位置之外，大部份呢个区嘅 post 都系喺新蒲岗。为免失德败行，我都特登去过竹园同慈云山食嘢，但系都系要食多啲其他位置。对上两次食咗牛池湾嘅两间宵夜档，喺十八区行政划分里面系属黄大仙区，为我带嚟一啲新意。而今次我就喺返正正嘅黄大仙中心食嘢，仲要系南馆，即系以前嘅黄大仙中心。系呀，喺我年青时，而家嘅北馆系叫龙翔中心。唔系晒自己有几老嘅时候，写返食乜啦。其实呢头食肆多数都系大集团，揾嘢啱食唔易。今次嚟到呢间和气食堂都系一间有其他分店嘅日本嘢。趁佢仲系喺下午茶时段，就叫个下午茶食吓，一般情况呢啲时间食都系抵啲嘅。叫咗个 $52 嘅「寿司定食C」，有加州卷三件、同埋火焰左口鱼边、火焰三文鱼、火焰赤虾寿司各一件嘅，食落当然只属平庸冇特别。配碗「木鱼汤乌冬」都系正正常常食得晒嘅食物，加 $3 要杯「冻柚子蜜」，都系咁嘅味。啱啱 $55 咁多嘢其实都几抵食，叫多串 $49 嘅「盐味烧牛舌」，佢都唔差，属正常嘅水准，非伏。但一谂起补六蚊就可以食头先个餐就点都好似有啲心有不甘咁，实情五十蚊串牛
对上两次食咗牛池湾嘅两间宵夜档，喺十八区行政划分里面系属黄大仙区，为我带嚟一啲新意。而今次我就喺返正正嘅黄大仙中心食嘢，仲要系南馆，即系以前嘅黄大仙中心。系呀，喺我年青时，而家嘅北馆系叫龙翔中心。
唔系晒自己有几老嘅时候，写返食乜啦。其实呢头食肆多数都系大集团，揾嘢啱食唔易。今次嚟到呢间和气食堂都系一间有其他分店嘅日本嘢。趁佢仲系喺下午茶时段，就叫个下午茶食吓，一般情况呢啲时间食都系抵啲嘅。
叫咗个 $52 嘅「寿司定食C」，有加州卷三件、同埋火焰左口鱼边、火焰三文鱼、火焰赤虾寿司各一件嘅，食落当然只属平庸冇特别。配碗「木鱼汤乌冬」都系正正常常食得晒嘅食物，加 $3 要杯「冻柚子蜜」，都系咁嘅味。
啱啱 $55 咁多嘢其实都几抵食，叫多串 $49 嘅「盐味烧牛舌」，佢都唔差，属正常嘅水准，非伏。但一谂起补六蚊就可以食头先个餐就点都好似有啲心有不甘咁，实情五十蚊串牛舌都系正常。夹埋食咗 $104，哎又冇一旧。。。
（地址：黄大仙正德街103号黄大仙中心南馆地下G12A号舖）
#1amfoodie #foodie #hkfoodie #thatfoodiething #globaleats #tastyfood #foodpics #followforfollowback #1am黄大仙区 #黄大仙 #和气食堂 #寿司定食 #加州卷3件 #火焰左口鱼边寿司 #火焰三文鱼寿司 #火焰赤虾寿司 #木鱼汤乌冬 #冻柚子蜜 #盐味烧牛舌 #1am0910 #1ambackup
张贴
