濃姐茶餐廳

营业中

休息中

【黄大仙区】【浓姐茶餐厅】新蒲岗不嬲出晒名多嘢食，我作为一个茶餐厅 foodie，之前都食过时代、肥仔铭等等，咁梗系要再探讨吓。行到近 mikiki 𠮶边就见到呢间浓姐，乜都冇理就入咗去，估唔到喺大型商场旁边，都会有一间咁嘅茶记。入到去见佢哋搞紧冷气机滴水嘅嘢，都体谅嘅，呢啲算系意外，唔系日日系咁。最特别嘅地方系周围都贴满香港情怀，好多老照片似系怀缅紧过去。而茶餐厅应该有嘅电视机佢都有，下面仲贴咗张纸写住「NO CCTVB」，劲黄。就算佢系扮黄，起码佢都扮到底，好过有啲扮都唔扮吓直接同政府合作啦，唔讲咁多，食嘢。下午茶时段都可以食「抵食早餐」，「沙嗲牛肉面」、「双肠奄列方包」烘底、「热奶茶」加埋 $35，价钱上嚟讲真系非常抵食。味道上，个沙嗲牛面冇乜嘢突出，正正常常。个配菜除咗奄烈多士仲有两条肠，厨师肠嚟，增添咗风味。只蛋炒得几好，生熟程度拿揑得唔错，而件多士都系正常啦。杯「热奶茶」都唔差，仲要系用玻璃杯装，大杯得嚟特别。黄蓝唔影响味道，不过促成咗二访，第二次去到食个「花生酱西多士」，大家惯咗睇西多嘛，而且我又有啲想食咁啰，哈！味道都系正常啦，我加炼奶，水准系比较稳定嘅。今次又系饮「热