竹園餐廳

营业中

休息中

【黄大仙区】【竹园餐厅】去开黄大仙区同大家食嘢，都系去新蒲岗最多，因为餐厅多选择多，食乜都有选择。其次就系去黄大仙或者钻石山等等地方，极其量都系去咗一次慈云山，去嘅地方唔系多到覆盖晒成个黄大仙区，今次就做啲嘢先。我好似从未去过竹园，最近只系去过黄大仙中心，𠮶时仲读紧书，搞义工计划，喺𠮶边嘅中途宿舍住咗一晚，成世都记得个 friend 啲鼻鼾声彷如东铁线中期翻新列车喺耳边驶过一样。𠮶位同学对我相当好，至今都狂 like post 嘅。嚟到竹园广场好有新加坡 feel，英式公屋商场设计咁款，行到我几亢奋。仲见到呢间竹园餐厅门口有卖埋西式包饼，唔入去唔得啦下话。入到去都系自己揾位坐，但系侍应叔叔都系著恤衫西裤配马甲背心，相当认真，好鬼正。食个 $43 嘅特餐，个「午餐肉煎蛋」只蛋略嫌太熟，系全熟嘅，主菜「鸡扒」、「米粉」就平庸，拣其他嘢可能好啲。全晚惊喜喺杯餐饮「热奶茶」度，果然屋邨老牌茶记对杯茶唔敢怠慢，唔落糖唔加炼奶，非常好饮，正。坐低食咗阵嘢，𠮶度啲客人除咗食茶记炒嘢之外，都几多人食佢哋啲包点。我就用 $23 食埋「法兰西多」满足某啲读者嘅期望，佢本身一开二咗，味道系 okay 但花生