蛇膠參滋補專門店

【黄大仙区】【蛇胶参滋补专门店】喺香港过冬，唔食吓蛇真系唔过瘾，但系揾一间好食嘅都唔容易。呢一日我自己一个人喺新蒲岗游吓游吓就贡咗入呢间食蛇嘅餐厅，佢叫「蛇胶参滋补专门店」，有啲一人「滋补套餐」，啱晒我。我就试佢哋 $198 嘅「套餐B」，原价要 $229 㗎㖞，平咗。个餐首先就有细嘅「秘制太史五蛇羹」，劲足料劲浓香，好正，台面仲有蛇羹必备嘅薄脆同埋柠檬叶畀客人任意使用，加埋落去更添滋味。食得蛇羹点都要配个「腊味糯米饭」，套餐仲可以加钱转各款焦底煲仔饭，不过我就传统啲，冇转，整得都非常好味。跟住试个炖汤「花旗参炖海参」，好足料，花旗参味劲足，好香。然后我拣咗「鲍汁花菇扣水鱼裙边」，炆得好入味，水鱼裙边大大条好滑溜。最后仲有「时蔬」一客，今日系菜心，都整得又腍又甜，好食。埋单就系 $198，见佢哋平时仲做好多善事，値得畀。。。（地址：新蒲岗仁爱街50号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #