重光弁当 (已結業)

【黄大仙区】【重光弁当】呢间我都食咗一段时间，系一间喺新蒲岗嘅黄店，食日式便当嘅，只系我帮衬得一次就写好似唔系咁妥当咁。真系会睇内文嘅读者对我写嘢嘅要求都好高，压力同时系推动力，可惜我真系冇稿喺手喇，局住搬出嚟顶住档先。网上资料指出「重光便当」系日式料理餐厅，将喺日本被称为「净土之鸟」嘅丹顶鹤做主题。 借用佢哋只生长喺最洁净嘅地方代表「纯洁意志」之义，表达将秽土化为净土，令所在嘅地方重光嘅意思，都真系几有意境架㖞。呢度主打即叫即做嘅日式便当，好多款唔同嘅选择，都系参考返日本啲便当店嘅出品，店家挑选返啱香港人口味又方便外卖拎走嘅配搭。佢哋选用北海道白米同埋日本制嘅便当外卖盒，我就整返个 $75 嘅「重光招牌弁当」先。餐牌上面写嘅介绍系「重光招牌便当，由重光手足们精挑细选嘅虾饼、鳕鱼柳加上唐扬炸鸡两件」，都系正确描述嚟。三款炸物配自家制他他酱都相当出色，再加上有柚子杂菜沙律同埋蟹柳、枝豆、萝卜逗住，好丰富。仲有好多嘢想写不过好似已经太多字，讲埋嘢饮，我用 $20 叫咗枝玻璃樽嘅日本直送汽水，完熟桃味嘅，几好饮，清清哋。夹埋价钱 $95，就咁食个饭嚟讲唔算平，不过佢哋食材连埋个盒都系日本嘢，