樂天經典 (已結業)

茶壶都靓过人。星洲黑胡椒螃蟹($368)，好大只肉蟹，黑胡椒味超浓，除左蟹拑啖啖肉之外，蟹身都好多肉，黑椒唔好浪费，用黎捞饭或面都得。泰式海鲜炒米粉(S) ($88)，海鲜有虾、鱿鱼之类，居然仲有鳝鱼，米粉用左虾膏酱炒过，实在太好味喇。沙律排骨(S) ($88)，肉系用猪扒，而且去埋骨，可以啖啖肉咁食，沙律酱调较得好味，酱亦都够多。蒜香红海蜇头($75)，海蜇有别于平时一条条切法，今次系一块块，食落更有口感，调味汁酸尾尾，开胃。招牌扣肉包($28)，扣肉真系好腍，有入口即溶感觉，配埋包可以解一解油腻既感觉。杨枝甘露($36)，清甜足料，食到好多柚子肉。苹果与荔枝冻茶($28)，口感清新冰凉，而且入面仲有苹果和荔枝果肉。