點點甜 (已結業)

女人系有两个胃, 食完dinner之后当然要食返个甜品啦! 行经豉油街发现有间好细既甜品店, 部分价钱仲系超平tim~ 我地一共order左三个甜品:【紫薯心太软配雪糕】HK$56朱古力心太软食得多, 紫薯心太软都系第一次食, 不过心太软冇焗完既香脆感, 反而有松软口感, 类似平时食既日式红豆饼既饼皮, 切开心太软, 紫薯蓉慢慢流出, 质感较杰, 但紫薯唔算太突出~【草莓法式千层酥配雪糕】HK$54我地认为呢款系今晚最好食既甜品, 三块千层酥夹住微甜既吉士酱, 千层酥超级松化, 咬开时脆得有声, 另有酸酸甜甜既士多啤梨同埋雪糕球做点骤, 整体味道唔算太甜, 不错!!【芋圆仙草盛配芋泥】HK$30呢款平价甜品为春季限定款, 单睇外表已经觉得好丰富, 包括仙草、西米、芋圆、小丸子、红豆、黑珍珠~ 不过order左个冻既, 黎到其实碗野系常温。芋泥质感带黏, 芋头味突出且带点微甜, 配上烟烟韧韧既黑珍珠、芋圆同小丸子, 较为林身既红豆、仙草同埋红豆, 一个价钱食到不同款式, 不同味道, 不过如果冷热程度分明, 整体会更加好。