影片
更多
2023-03-27
3235 浏览
【 品尝各国美食。酒店自助晚餐 】⛪️入住愉景湾酒店当晚，我哋系酒店享用自助晚餐，虽然晚上欣赏唔到大玻璃窗外既靓靓海景，但可以望到亮灯既白色教堂，好浪漫！🍽️餐厅好寛落，每张枱既距离都好松动，就算坐满人，都唔会觉得逼。侍应们收碟快，食物也有不停添加。🍖自助晚餐主题系「非一般炭烧自助餐」，酒店特别安排左大厨系户外海滨露天区域即场为大家烧，有炭烧羊排、虎虾、西冷牛扒、多款香肠、三文鱼、鱿鱼等，可以一边感受海边微风，一边享受美食。🍱室内款式选择都好多呀！有冷盘、粉面、海鲜、日式小食、刺身寿司、甜品和多款熟食。🍫推介大家试下佢哋既「地狱黑芝麻朱古力喷泉」，备有七种唔同辣度既辣汁俾大家调教出自己口味既甜品，啱晒钟意食辣既朋友。🦀我同老公食咗好多海鲜，长脚蟹和面包蟹都好鲜甜，仲有即场炒蚬，几正！🥗冷盘有Parma Ham、烟三文鱼和多款芝士，也有DIY沙律吧，提供超过十款食材，仲有唔同酱汁可以俾你任意配搭。🥘熟食方面也有10多个选择，当中既金汤滋味酸菜鱼、烟熏鸭配莓莓酱、士多啤梨咕噜肉、秘制话梅炆猪手和三葱爆炒牛仔肉都值得一试，十分好味！🍰两兄弟一人一碗汤粉面，又可以狂食甜品和水果，酒店既甜品款式超过
⛪️入住愉景湾酒店当晚，我哋系酒店享用自助晚餐，虽然晚上欣赏唔到大玻璃窗外既靓靓海景，但可以望到亮灯既白色教堂，好浪漫！
🍽️餐厅好寛落，每张枱既距离都好松动，就算坐满人，都唔会觉得逼。侍应们收碟快，食物也有不停添加。
🍖自助晚餐主题系「非一般炭烧自助餐」，酒店特别安排左大厨系户外海滨露天区域即场为大家烧，有炭烧羊排、虎虾、西冷牛扒、多款香肠、三文鱼、鱿鱼等，可以一边感受海边微风，一边享受美食。
🍱室内款式选择都好多呀！有冷盘、粉面、海鲜、日式小食、刺身寿司、甜品和多款熟食。🍫推介大家试下佢哋既「地狱黑芝麻朱古力喷泉」，备有七种唔同辣度既辣汁俾大家调教出自己口味既甜品，啱晒钟意食辣既朋友。
🦀我同老公食咗好多海鲜，长脚蟹和面包蟹都好鲜甜，仲有即场炒蚬，几正！
🥗冷盘有Parma Ham、烟三文鱼和多款芝士，也有DIY沙律吧，提供超过十款食材，仲有唔同酱汁可以俾你任意配搭。
🥘熟食方面也有10多个选择，当中既金汤滋味酸菜鱼、烟熏鸭配莓莓酱、士多啤梨咕噜肉、秘制话梅炆猪手和三葱爆炒牛仔肉都值得一试，十分好味！
🍰两兄弟一人一碗汤粉面，又可以狂食甜品和水果，酒店既甜品款式超过十款糕饼选择，最钟意蛋白柠檬塔，酸甜清新。另外面包布丁配云呢拿酱和意大利芝士蛋糕都好好味呀！
🍹饮品区提供橙汁、芒果汁、柑桔柠檬水和苹果汁等，仲可以自己冲番杯咖啡奶茶，全部都系任饮。
🍦最后仲有多款口味既Movenpick雪糕，真系好满足呀！
张贴
