Dear Coffee & Bakery (已搬遷) 新店位置

主打100%紫薯包嘅Cafe位于大围旧式商场之中，不过店入面座位唔多，所以经常要排队。100%紫薯包系店入面嘅生招牌，卖相似花非常呃Like，落单之后店员会为你烘热。呢间铺头嘅特色系面包全部纯天然手做，所以咬口偏硬。紫薯馅亦系百份百纯紫薯，感觉非常健康，但由于无添加，味道极淡。奶油草莓芝士蛋糕卖相同样讨好，意大利芝士同乳酪配上日本士多啤梨，味道清新。Matcha Latte 拉花精美，但味道唔太突出。不过Cafe座位较少同偏窄，假日旺场时难以享受悠闲节奏。