影片
更多
2023-05-03
775 浏览
我本身唔太食淀粉质，净系钟意食「傻」仔(薯仔)🤓 虽然今次影得唔靓，但系都要照𝐩𝐨𝐬𝐭!平时喺旺角好少可以揾到一啲静啲、价钱又合理嘅cafe，咁啱就揾到一间喺麦花臣汇游乐场协会中心入面嘅小店，上到去会有少少疑惑，净系见到社区中心嘅格局，但系又揾唔到间餐厅，鼓起勇气行咗入去先揾到～餐厅嘅座位唔算好多，而且负责人只系得两个，佢哋就负责晒煮嘢食同埋送餐，平时都有唔少家长喺中心活动完咗之后带埋小朋友一齐去食，所以见到两位负责人都好忙，上菜会慢少少，如果有机会去试吓嘅话就唔好介意，坐低同朋友倾吓计慢慢等！ 店员都好有礼貌同耐性解答客人嘅问题(⁎⁍̴̛ᴗ⁍̴̛⁎) 餐厅主打薯仔嘅菜式，周围都有啲壁报板讲吓有关薯仔一啲资讯，食物种类不多，但绝对用心制作，即叫即做！==============================〖 蒜香大虾意粉🍝 〗💰𝟔𝟓 | 🜸 𝟑.𝟒/𝟓用呢个价钱可以食到意粉简直系抵到烂，本来对佢嘅食物质素唔会有好大期望，但系食落之后都几有惊喜，绝对对得住呢个价钱！意粉软硬适中，一碟意粉有5-6只大虾，粒粒都系好爽口弹牙，个意粉嘅份量好多，用蒜蓉做调味料令到意粉好香好惹味，仲有少少辣，食落亦
我本身唔太食淀粉质，净系钟意食「傻」仔(薯仔)🤓 虽然今次影得唔靓，但系都要照𝐩𝐨𝐬𝐭!
平时喺旺角好少可以揾到一啲静啲、价钱又合理嘅cafe，咁啱就揾到一间喺麦花臣汇游乐场协会中心入面嘅小店，上到去会有少少疑惑，净系见到社区中心嘅格局，但系又揾唔到间餐厅，鼓起勇气行咗入去先揾到～餐厅嘅座位唔算好多，而且负责人只系得两个，佢哋就负责晒煮嘢食同埋送餐，平时都有唔少家长喺中心活动完咗之后带埋小朋友一齐去食，所以见到两位负责人都好忙，上菜会慢少少，如果有机会去试吓嘅话就唔好介意，坐低同朋友倾吓计慢慢等！ 店员都好有礼貌同耐性解答客人嘅问题(⁎⁍̴̛ᴗ⁍̴̛⁎) 餐厅主打薯仔嘅菜式，周围都有啲壁报板讲吓有关薯仔一啲资讯，食物种类不多，但绝对用心制作，即叫即做！
==============================
〖 蒜香大虾意粉🍝 〗💰𝟔𝟓 | 🜸 𝟑.𝟒/𝟓
用呢个价钱可以食到意粉简直系抵到烂，本来对佢嘅食物质素唔会有好大期望，但系食落之后都几有惊喜，绝对对得住呢个价钱！意粉软硬适中，一碟意粉有5-6只大虾，粒粒都系好爽口弹牙，个意粉嘅份量好多，用蒜蓉做调味料令到意粉好香好惹味，仲有少少辣，食落亦都唔会好油腻，不过就略嫌干左少少。伴碟仲有沙律(～o￣3￣)～
蒜香大虾意粉
$65
32 浏览
1 赞好
0 留言
蒜香大虾意粉
$65
13 浏览
0 赞好
0 留言
〖 芝士咸牛肉洋葱焗薯🥔 〗💰𝟓𝟒 | 🜸 𝟑.𝟖/𝟓
呢个焗薯应该系佢哋嘅招牌菜，本身用薯仔来做主菜冇谂过会饱，但原来食原个焗薯都已经好满足！薯仔应该冇过多嘅调味，完全唔会好似出面𠮶啲甘落劲多酱，所以好食得出薯仔本身嘅味道，加埋咸牛肉、洋葱、红椒，好香好有口感，再加埋芝士片嘅少少奶味，真系好好食！
芝士咸牛肉洋葱焗薯
$54
14 浏览
1 赞好
0 留言
芝士咸牛肉洋葱焗薯
$54
13 浏览
0 赞好
0 留言
〖 紫薯鲜奶🍠 〗+💰𝟐𝟑 | 🜸 𝟑.𝟗/𝟓
餐厅负责人话紫薯鲜奶系佢哋最出名嘅饮品，好多人嚟到都会叫，而且如果佢哋得闲嘅话仲会喺上面拉花拉只熊仔添！呢个紫薯鲜奶的确有佢嘅人气之处，一饮就饮到个层次，分别系顶层系奶泡，下层系幼滑嘅紫薯鲜奶，带天然嘅紫薯香气，质感浓稠柔顺，带微微粉粒感，完全感受到用新鲜紫薯打成，同奶味嘅融合刚刚好，就连朋友唔饮奶都觉得好饮！而且绝对唔系坊间嘅死甜，整体清爽不甜腻～好 想 再 饮 (๑꧆◡꧆๑)
紫薯鲜奶
18 浏览
0 赞好
0 留言
〖 热情果蝶豆梳打🍹 〗+💰𝟐𝟏 | 🜸 𝟑.𝟔/𝟓
热情果蝶豆梳打都系好多人嗌，一来系因为饮品嘅颜色都几特别，由橙色渐变至紫色，打卡一流(⁎⁍̴̛ᴗ⁍̴̛⁎)当然佢嘅味道都唔错，饮落去有淡淡的蝶豆花甜香味，然后个底又会有少少热情果嘅酸甜味，好清新开胃！
热情果蝶豆梳打
13 浏览
0 赞好
0 留言
————————————————————————————
评分🌟(10分最高💯)
价钱💰: 8.5/10
味道👅: 7.5/10
环境🌱: 7/10
回头❣️: 6.5/10
服务👀: 8/10
人均消费: $70
想睇多啲好西就记住☟
꧁Follow @hknous.foodie꧂
🔍 店舖资料
🥔 𝐏𝐨𝐭𝐚𝐭𝐨𝐩𝐢𝐚
📍 旺角奶路臣街38号麦花臣汇3楼
⏰ 𝐓𝐡𝐮𝐫-𝐅𝐫𝐢: 𝟏𝟏:𝟑𝟎-𝟏𝟕:𝟑𝟎
⏰ 𝐒𝐚𝐭: 𝟏𝟎:𝟎𝟎-𝟏𝟕:𝟑𝟎
⏰ 𝐒𝐮𝐧: 𝟏𝟎:𝟎𝟎-𝟏𝟕:𝟎𝟎
☎️ 𝟗𝟎𝟒𝟕 𝟖𝟒𝟎𝟑
🔍 想揾同类型嘅餐厅𓂀✍
⌫ #eatwithnous_旺角
⌫ #eatwithnous_cafe
#foodie #hkfoodie #hkfood #instafood #potato #hkgirl #hkdaily #photography #hongkong #sweetpotato #pasta #cafe #potatopia #mongkok #薯仔 #美食 #相机食先 #吃货 #打卡 #手机食先 #旺角美食 #小店
张贴
