影片
更多
5天前
0 浏览
今次同朋友嚟到旺角呢间餐厅，餐厅OpenRice号称E出口步行20秒就到（笑），虽然行超过20秒，但都真系好就脚呢！见到餐厅嘅放题A餐「经典-三重新鲜刺生江洋盛宴」自选2小时HK$308，就决定入去拆餐劲。最后，我哋拣嘅A餐有共77款食物，女仔胃口嚟讲都未必试得晒～如果想试多啲款式，仲有另外3个餐拣，最多有成128款食物任你食😍✨A餐有共15款刺生选择，主打油甘鱼、三文鱼及北寄贝，个人觉得三文鱼同阿根廷赤虾都十分出色，肥美新鲜！另外，比较特别嘅系呢款「衘‧泰の味冷鲍鱼」，冷鲍鱼配上泰式酱料，肉质鲜嫩弹牙，风味十足🫶🏻✨而寿司款式多样，加加埋埋都成27款 ，包括6款经典寿司、6款经典火炙寿司、4款经典创作精选、3款经典手卷、3款经典军舰及5款经典卷物。见佢刺生果款冷鲍鱼咁出色，而经典创作精选上又出现咗一款比较特别嘅「鲍鱼黑松露鱼生挞」，就即刻叫咗嚟试吓，结果饱鱼都系咁好味，打开鲍鱼仲见到块酱汁三文鱼添～配埋甜甜嘅蛋挞皮好特别😆✨除咗刺生及寿司外，串烧及烧物都系放题必食！我一个人就食咗2串盐烧鸡软骨，而盐烧鸡翼同芝麻鸡翼我都试匀晒，最后都系芝麻鸡翼胜出，咬开仲有啲肉汁！蒜蓉烧生蚝都好惊喜，
A餐有共15款刺生选择，主打油甘鱼、三文鱼及北寄贝，个人觉得三文鱼同阿根廷赤虾都十分出色，肥美新鲜！另外，比较特别嘅系呢款「衘‧泰の味冷鲍鱼」，冷鲍鱼配上泰式酱料，肉质鲜嫩弹牙，风味十足🫶🏻✨
而寿司款式多样，加加埋埋都成27款 ，包括6款经典寿司、6款经典火炙寿司、4款经典创作精选、3款经典手卷、3款经典军舰及5款经典卷物。见佢刺生果款冷鲍鱼咁出色，而经典创作精选上又出现咗一款比较特别嘅「鲍鱼黑松露鱼生挞」，就即刻叫咗嚟试吓，结果饱鱼都系咁好味，打开鲍鱼仲见到块酱汁三文鱼添～配埋甜甜嘅蛋挞皮好特别😆✨
除咗刺生及寿司外，串烧及烧物都系放题必食！我一个人就食咗2串盐烧鸡软骨，而盐烧鸡翼同芝麻鸡翼我都试匀晒，最后都系芝麻鸡翼胜出，咬开仲有啲肉汁！蒜蓉烧生蚝都好惊喜，上枱时热辣辣出烟，似啱啱烧好。薄烧牛肉都记得要点，出面食都唔平㗎🫢✨
食到咁上下，到甜品同生果时间啦！虽然佢外面有劲多雪糕雪条选择，但我就想试吓佢要落单嘅韩国红豆鲷鱼烧、烧有机菠萝、猫山王榴梿炸弹及马来西亚极品榴梿。鲷鱼烧外皮微脆，咬开烟烟韧韧，仲有好多红豆馅。烧有机菠萝香甜多汁，放题必食。猫山王榴梿炸弹嘅榴梿馅就偏流心，如果想食榴梿，不妨试吓佢嘅马来西亚极品榴梿，大大旧，香喷喷，食多几旧性价比都返晒嚟😋✨
张贴
