伊賀日本燒肉料理 (已結業)

朋友话想食韩烧放题，咁我就提议去呢间啦，之前都食咗几次质素都好好，而且四人同行送刺身一盘就GOGOGO啦。我哋一问就即刻嚟咗盘刺身啦，只船就好大，刺身就唔系好多，新鲜度都玩OK啦。有蟹棒、鱿鱼、甜虾、三文鱼等。唔够可以自己再order! 不过呢度嘅饮品就要另外计钱啦，我哋见呢排party都饮左咁多甜野，都系唔好加钱啦⋯唔知系咪大时大节嘅关系，全场爆满，坐得都几迫，有啲辛苦架⋯你知冬天着多衫，真系唔够位摆外套呀袋呀咁。由我地食前到食完，对面张台明明冇人但职员都冇安排食客去坐。先食两款沙律开开胃。还有八爪鱼同螺肉～酱汁稍多，不过都几好味。海鲜今日就争小小啦，唔知点解我食嘅蛏子有少少「拿」脷，不过其他海鲜都OK嘅。我地点左蚝、青口同沙白。抽风系统就一般啦，油烟好大，尤其是今日人多，成层都烟雾弥漫，食食吓个烟通仲有一滴油滴出嚟，吓死人咩。好彩职员处变不惊，帮我地清洁。不过个转嘅食物就要倒晒佢啦。炸物就有我哋好期待嘅榴梿炸弹！！！好Creamy, 好好食。不过炸山药就叫左好多次都冇黎到，有啲失望。而个芝士年糕、芝士波啊，叫左几次先黎一粒。仲有炸双皮奶，薯格同鸡软骨。推荐鸡软骨，热辣辣时好好食。烧