伊賀日本燒肉料理 (已結業)

早排同朋友食LUNCH发现呢间烧肉店！一开始纯粹出于好奇，点样午餐可以烧肉呢？食过一次觉得几OK㖞～就LIKE左佢地个专页！星期一至四晚市每位$258，价钱OK丫！4位或以上仲送活鱼刺身！！！即刻约齐四个去食啦！刺身叫得比较保守～因为唔知活鱼刺身有几大条～有甜虾、三文鱼、北寄贝、松药蟹棒、带子等等～活鱼刺身黎啦～真系郁下郁下～好新鲜！甚少去街市买𩠌既我系有D惊...口感好爽，加少少豉油仲带出佢既鲜味！鱼既两边都起晒出黎做刺身，每人大约五六片左右～而师傅原来仲送埋象拔蚌我地食～ 好爽甜呀～鳗鱼玉子烧、牛油金菇一兜兜咁烧，冇咁快干水，仲保留到鲜味添！肉类～安格斯牛小排、牛舌、海鲜酱猪颈肉炸物～要特别推介一下～你知道左右分别系咩黎吗？起初我以为左边系芝士波～ (原来右边先系芝士年糕)一口咬下去～一大阵特殊味道散发出黎！原来系榴莲炸弹！喜欢食榴莲既朋友大叫好正！蟹籽沙律、芝麻八爪鱼香草龙脷，几好食，不过真系一口食晒。活蚬，微微白酒香，十分新鲜，完全冇沙。大虾、青口 青口OK好食～不过我地唔系好识控制火喉～明明熟了我地仲继续烧大虾都几爽口！枝豆、甜酸姜片 海台多春鱼、炸鸡软骨、吉列炸虾原来酱汁可