影片
更多
2023-12-09
211 浏览
【🌔礼·九龙城｜🍶活在当下的居酒屋精神】宋王台站开通后，去九龙城就方便得多了。今次突然间好想食烧饭团，朋友就提议嚟呢间餐厅，系门口有一列招财猫，好易认。店内最抢眼嘅除咗招财猫，仲有近门口嘅「当下」挂字，『活在当下』完全系我人生哲学同态度，专注享受当下呢一瞬间，睇吓食咗咩先！💫前菜-牛舌粒居酒屋传统会向客人递上冷算前菜，用嚟方便客人在正餐前送酒，今晚我无饮酒，但都几满意牛舌粒粒，牛舌粒几入味，捞咗麻油同醋酱油等调味。..💫蒜头渍嚟到居酒屋就算唔饮酒都要试吓渍物，用原粒蒜头腌制而成，加上少少木鱼丝，味道酸酸甜甜，口感几爽口鲜甜美味，蒜头控必食。..💫刺身三品-赤虾、三文鱼、带子每款少少过吓口瘾，刺身新鲜，绝对有开胃作用。..💫味醂鱼干日式餐厅通常都有烧鸡泡鱼干呢味小菜，但味醂鱼干其实唔多，厨师用味醂腌制后烘干，要做到软身一啲都唔易，而呢间做得好好👍🏻。..💫高汤玉子烧玉子烧系我好钟意嘅食物，唔好睇呢份玉子烧平平无奇，厨师加入高汤泡制，食起嚟好香蛋味而且完全唔干，入口即熔咁。..💫唐扬炸鸡炸鸡令我觉得有惊喜，原本以为细细碟，点知原来份量都几澎湃，炸得金黄脆身，但好干爽油唔觉好多，咬开仲有肉汁
宋王台站开通后，去九龙城就方便得多了。今次突然间好想食烧饭团，朋友就提议嚟呢间餐厅，系门口有一列招财猫，好易认。
店内最抢眼嘅除咗招财猫，仲有近门口嘅「当下」挂字，『活在当下』完全系我人生哲学同态度，专注享受当下呢一瞬间，睇吓食咗咩先！
💫前菜-牛舌粒
居酒屋传统会向客人递上冷算前菜，用嚟方便客人在正餐前送酒，今晚我无饮酒，但都几满意牛舌粒粒，牛舌粒几入味，捞咗麻油同醋酱油等调味。
.
.
💫蒜头渍
嚟到居酒屋就算唔饮酒都要试吓渍物，用原粒蒜头腌制而成，加上少少木鱼丝，味道酸酸甜甜，口感几爽口鲜甜美味，蒜头控必食。
.
.
💫刺身三品-赤虾、三文鱼、带子
每款少少过吓口瘾，刺身新鲜，绝对有开胃作用。
.
.
💫味醂鱼干
日式餐厅通常都有烧鸡泡鱼干呢味小菜，但味醂鱼干其实唔多，厨师用味醂腌制后烘干，要做到软身一啲都唔易，而呢间做得好好👍🏻。
.
.
💫高汤玉子烧
玉子烧系我好钟意嘅食物，唔好睇呢份玉子烧平平无奇，厨师加入高汤泡制，食起嚟好香蛋味而且完全唔干，入口即熔咁。
.
.
💫唐扬炸鸡
炸鸡令我觉得有惊喜，原本以为细细碟，点知原来份量都几澎湃，炸得金黄脆身，但好干爽油唔觉好多，咬开仲有肉汁，而且味道调教得唔错，点沙律酱食一流。
.
.
💫黑松露芝士烧蚝
蚝好新鲜，肉厚大只，黑松露味唔算好强，轻轻配搭住芝士吊味。
.
.
💫厚切牛舌芯
真正厚切，烧得刚好，易咬口而且牛味好浓。两个人点一串share食都够，一人一串有感食咗半块扒咁，都系留返位食其他野好啲。
.
.
💫紫苏豚肉卷（下）
紫苏我哋唔陌生，韩式烧烤包肉用，蒸大闸蟹又见到佢，今次厨师用紫苏叶卷住薄薄嘅豚肉烧，口感和味道层次分明，紫苏叶味好香，令到豚肉都顿时有清爽感觉。
💫牛蒡素肉丸（上）
见到素肉我就忍唔住试，牛蒡平时多数系前菜冷盘中见到，原来切碎佢口感又几弹牙，有份肉质嘅感觉，因为全素，食入口系清爽干净的，面头加咗紫菜碎和酱汁去烧，好惹味。
.
.
💫三文鱼反卷
不过不失，虽然卖相平凡，但厨师即叫即做，食出新鲜味道。
.
.
💫月见酱唐扬饭团
我一比就系来食过个招牌饭团，厨师用上特制酱油将饭调味后做成饭团，将饭团烧过后再在饭团上加上日本蛋黄，成件事非常之完美，下次绝对要一人一个！
.
.
💫薯上白雪
这个甜品好食程度100分，不得了咁好食😋
系焗好嘅唐心蕃薯🍠加上一大球绿茶雪糕，冷静与热情之间，蕃薯嘅甜配上绿茶嘅甘，真系好好味。（下次要留肚食）
🎉礼·Sake Bar Present(Kowloon city)
📍九龙城打鼓岭道79号地舖
张贴
