影片
更多
2024-10-20
157 浏览
好耐无食韩国菜，今次同朋友再次品尝呢间铜锣湾最受欢迎嘅韩国菜餐厅Bingo & Cook，餐厅搬咗新位置，以全新装修示人，用上韩国街头风布帐马车为风格，令人置身喺韩国路边摊一样，布置有韩国路牌、地铁、店舖、电话亭、机舖、红绿灯等，每处都系打卡位。餐厅位置方便就脚，环境舒适阔落，系同朋友去聊天食饭嘅好地方。餐厅除咗主理人系Oppa之外，厨师同待应都系韩国人，食物味道正宗。50cm 韩式海鲜锅海鲜锅嘅海鲜款式非常丰富，有蟹、虾、鲍鱼、青口、蓝青口、扇贝、蚬、鱿鱼等，每款海鲜亦非常新鲜，食落鲜味十足。锅底仲有菇同埋芽菜，每款海鲜索晒啲韩式辣汤汁，好惹味。食到最后加一个韩国拉面，拉面口感烟靭，非常挂汁。Bingo特制紫菜包饭紫菜包饭馅料丰富，有嫩滑牛肉、爽口嘅红萝卜，入味嘅腌黄瓜、青瓜，蛋同埋芝士，口感丰富，紫菜食落爽脆，饭粒粒粒分明，仲带有粒粒芝麻，饭粒充满麻油香味。炸鱿鱼以原只炸鱿鱼为摆盘，炸至金黄色泽，卖相非常吸引，鱿鱼份量好大，要剪开嚟食，鱿鱼炸得酥脆可口，好邪恶。蓝莓沙冰蓝莓沙冰味道酸酸甜甜，粉红色加上紫色，卖相吸引，沙冰夏天饮好清新。另外蓝莓有丰富嘅花青素，系天然嘅抗氧化物，非常健
好耐无食韩国菜，今次同朋友再次品尝呢间铜锣湾最受欢迎嘅韩国菜餐厅Bingo & Cook，餐厅搬咗新位置，以全新装修示人，用上韩国街头风布帐马车为风格，令人置身喺韩国路边摊一样，布置有韩国路牌、地铁、店舖、电话亭、机舖、红绿灯等，每处都系打卡位。餐厅位置方便就脚，环境舒适阔落，系同朋友去聊天食饭嘅好地方。餐厅除咗主理人系Oppa之外，厨师同待应都系韩国人，食物味道正宗。
50cm 韩式海鲜锅
海鲜锅嘅海鲜款式非常丰富，有蟹、虾、鲍鱼、青口、蓝青口、扇贝、蚬、鱿鱼等，每款海鲜亦非常新鲜，食落鲜味十足。
锅底仲有菇同埋芽菜，每款海鲜索晒啲韩式辣汤汁，好惹味。
食到最后加一个韩国拉面，拉面口感烟靭，非常挂汁。
Bingo特制紫菜包饭
紫菜包饭馅料丰富，有嫩滑牛肉、爽口嘅红萝卜，入味嘅腌黄瓜、青瓜，蛋同埋芝士，口感丰富，紫菜食落爽脆，饭粒粒粒分明，仲带有粒粒芝麻，饭粒充满麻油香味。
炸鱿鱼
以原只炸鱿鱼为摆盘，炸至金黄色泽，卖相非常吸引，鱿鱼份量好大，要剪开嚟食，鱿鱼炸得酥脆可口，好邪恶。
蓝莓沙冰
蓝莓沙冰味道酸酸甜甜，粉红色加上紫色，卖相吸引，沙冰夏天饮好清新。另外蓝莓有丰富嘅花青素，系天然嘅抗氧化物，非常健康。
芒果沙冰
芒果沙冰口感顺滑，带有浓郁芒果香气，味道微酸当中带有奶香，夏天饮清爽解渴。
张贴
