加藤屋 (元州街) (已結業)

食牛肉饭又洗乜食吉x家，一站式食埋pepper lunch 铁板饭都仲得呀。-🌖B5 特盛麻辣牛肉饭$58自从食过麻辣牛肉饭之后就返唔到转头，味道上多左层次，今次食大辣都仲接受到㖞，辣味一入口时会有轻微冲击醒一醒神，口腔同咀唇都会有少少麻，但食完餐饭就烟消云散；不过洋葱🧅有少少太阔，煮得唔够未转晒做透明。🌖X3 铁板黑椒三文鱼饭 $60 加芝士+$3第一次系加藤屋食铁板饭，快手影两张相就要拌饭。饭粒够干爽唔会湿笠笠；铁板温度啱啱好，有饭焦得黎又唔会㶶，熔到芝士🧀但又唔会熔到变左芝士脆片；不过三文鱼有点太咸，同埋铁板饭都有个通病就系太油🙈。-两款都好食可以encore ，咁我几时先试到锅物同咖喱呀🙈🙈。