雙魚座咖啡館

营业中

休息中

🌖龙虾汤 $38龙虾汤香滑浓郁，里面仲有粒粒虾肉，但记得要趁热饮，始终鲜味容易变腥味。🌖Duck & Croffle $226除左原只油封鸭腿配牛角包窝夫🧇外，仲有只煎太阳蛋及糖浆。油封鸭腿完全唔油腻，皮下脂肪基本上完全不存在，肉质紧致得黎唔会干柴；配上香脆窝夫同流心太阳蛋，有多重口感；糖浆有质素，食落唔会太甜又唔涸喉，似乎系枫糖浆，就算食完个窝夫都情不自禁地食埋余下嘅糖浆😛。🌖巴马火腿Pizza $98一份六件，饼底够薄够脆，满满嘅芝士上有一大片巴马芝士，够晒足料，唯一投诉就系因为太足料所以味道较咸，加埋蜜瓜或者将火腿份量减半会更好。🌗咸蛋黄单骨鸡翼 $78闻落好香咸蛋黄味，咸蛋黄充分覆盖住鸡翼嘅各个表面，而且唔容易剥落；入口唔油腻，层coating 有幼细嘅沙粒感，略嫌唔够咸😮，但唔咸又可以两个人都食晒成份，自己都觉得自己好难满足🤣。🌗巴西山度士咖啡 $50本身唔太识饮咖啡，浅尝朋友嘅咖啡觉得味道较淡，酸味唔重容易入口，就算放凉左都唔会变酸。