巴巴串

营业中

休息中

同朋友去食个便饭，见到呢间串烧任食几抵食，平日7:30前更加系$198，就去食。感觉好似以前学生时代去bbq场，回忆返晒来！串烧种类都算多，个人推介即叫即烧款，同唔同肉类串烧！每个炉平均可以放3-4串串烧，唔使睇火自己转！另一边就系烤网。▪️即叫即烧▪️任点烧物，个人最推介大漠羊肉串，肉质软嫩，有孜然香。另外蒜蓉焗蚝都好惹味。▪️自助区▪️自助区可以任攞鸡翼、猪腩肉等，当然要「烧鸡翼，我钟意食～」，放上个炉到转烧得好均匀，零技巧都烧到脆外皮，入面肉质juicy。另外，猪腩肉大大条任食，肥瘦均匀，肉质都唔错，仲有蒜蓉入味。仲有棉花糖！自助区仲有熟食如街边辣鱼蛋，都有特色。