燒烤堂 (已搬遷) 新店位置

返工好累抑或心情纳闷，去烧烤堂食餐饭或者帮到你💛。偏好铜锣湾分店，装修陈设走居酒屋风格，放低电话专心用餐，氛围确几正。是晚过返九龙，尖沙咀太多餐厅，一直未有试过尖沙咀分店，一book 有位，就拣佢啦，气氛一样正。一如既往，串烧凡多，单睇menu，够玩5分钟有多。前菜🍴桂花蜜糖本地冷蕃茄 $28蕃薯清甜，但欠浓郁。配上蜜糖味，不算不配，但无乜惊喜。留肚食串烧，更加实际。🍴川烧元贝 $98/只职员指，今日元贝来货更靓，价钱亦都upgrade，绝对值得一试。元贝比手掌仲要大，带子肉也非常有睇头，厚肉鲜甜。川烧带刺激辣味，令粉丝提升层次，极度惹味。不过亦都掩盖海鲜嘅鲜味，下次再拣都会拣返蒜蓉烧。🍴芝士年糕 $38芝士流心系冇办法抗拒，味道浓郁，外面嘅年糕软糯，轻轻烧香表面，送酒必点。🍴咸蛋黄墨鱼饼 $68邪恶级！墨鱼饼非常弹牙，配上咸蛋黄，会令你一试再试。🍴豚肉节瓜波板糖🍭 $38极薄嘅豚肉，包住极薄嘅节瓜，将两层慢慢卷起形成波板糖形状。烧嘅时候配上自家制酱汁，两者嘅味道非常相配，再加上月见，整件事非常配合，每次必点。选择劲多，欲罢不能，唯有多试几次，才可食匀所有。