天龍海鮮火鍋 (已結業)

今次系用订座优惠帮衬呢间打边炉😎 除咗海鲜同酒水之外全单都有六折优惠🥰入到去7:30不过无乜人，得一台客系食紧😂 睇咗一阵餐牌，我哋就决定要一个鸳鸯火锅🍲 女朋友就要四川麻辣味，我就当然拣清汤啦🤣 同埋随心咁tick左几款食物 😆 落完单之后侍应就俾咗酱油盘我们自行调配酱油👍🏽过咗一阵之后嘢食就开始出出嚟！打头炮嘅就系新鲜热辣炸出嚟嘅即炸紫菜响铃🔔 ✅ 即炸紫菜响铃啱啱炸出嚟真系十分香口而且入边包住紫菜，紫菜亦都有甜芝麻入边，非常可口之余又冇乜油腻感我哋仲叫咗安格斯牛、黑牛柏叶、莴笋片、手打芥辣墨鱼丸、韭菜饺、蟹籽虾滑！✅ 安格斯牛（$168）薄薄嘅一片，好重牛味。唯一系168嘅话份量的确唔够喉😂✅ 黑牛柏叶望落去几新鲜同埋份量我觉得都几足够，食落口都非常之爽✅ 手打芥辣墨鱼丸每一粒都真材实料大大粒而且系食到有墨鱼味，入边加埋芥辣，成个层次唔同晒🆗 韭菜饺非常之迷你🤡 买咗单之后原来仲有生果食㗎🥰 最后，我只系觉得呢一间打边炉普普通通，原因系佢正价嘅价钱都比较贵，而且份量同埋价钱唔系好匹配。好在佢有六折优惠，如果唔系买单嘅价钱分分钟仲贵！果晚连埋我哋都系得三台客人，亦都可以解释到点解