影片
更多
2021-06-03
375 浏览
🚶🏻位置：由佐敦A出口向右行五分钟，或于Austin站A出口行五分钟都一样到到。完全唔洗惊揾唔到，因为好多人排队(⁎⁍̴̛ᴗ⁍̴̛⁎)环境：墙上好多同路人嘅装饰/画作，入面空间较细，同唔认识嘅大家坐埋一齐都觉得窝心。不过因为店铺位置得大约三十个，所以等候时间比较耐，要注意人齐先可入座呀。食物：🟠板烧吉列牛 $108无夸张，呢个真系世界级。去之前做足功课，知道呢个系必嗌，又话系入口即融，仲怀疑有冇咁夸张。试完之后先知系真，超级好食。摊开啲牛，见到啲油脂分布好平均。每边烧30秒左右就可以摆落口（生熟程度取决于你），基本上点少少汁就已经好足够。口感好特别，因为出面包咗层吉列粉，所以食落仲会有少少脆口嘅感觉，而且牛肉入口即融，食完即刻就会烧第二块。极力推荐！评分： 🌕🌕🌕🌕🌕（真系好少好少比满分！）回头率：🌕🌕🌕🌕🌕🟠板烧安格斯牛 $108我觉得唔洗再点汁，本身嘅调味就已经好足够。呢款嘅口感无吉列牛食落咁融化，反而系韧口，一样咁好味！呢个都系每边烧30秒就可以～相比起吉列牛，呢个就无咁特别啦，已经同朋友倾好咗，下次去到两个人都要嗌吉列牛。评分： 🌕🌕🌕🌕🌑回头率：🌕🌕🌕🌕🌗🟠Set +$38两款都系+
🚶🏻位置：由佐敦A出口向右行五分钟，或于Austin站A出口行五分钟都一样到到。完全唔洗惊揾唔到，因为好多人排队(⁎⁍̴̛ᴗ⁍̴̛⁎)
环境：墙上好多同路人嘅装饰/画作，入面空间较细，同唔认识嘅大家坐埋一齐都觉得窝心。不过因为店铺位置得大约三十个，所以等候时间比较耐，要注意人齐先可入座呀。
食物：
🟠板烧吉列牛 $108
无夸张，呢个真系世界级。去之前做足功课，知道呢个系必嗌，又话系入口即融，仲怀疑有冇咁夸张。试完之后先知系真，超级好食。摊开啲牛，见到啲油脂分布好平均。每边烧30秒左右就可以摆落口（生熟程度取决于你），基本上点少少汁就已经好足够。口感好特别，因为出面包咗层吉列粉，所以食落仲会有少少脆口嘅感觉，而且牛肉入口即融，食完即刻就会烧第二块。极力推荐！
评分： 🌕🌕🌕🌕🌕（真系好少好少比满分！）
回头率：🌕🌕🌕🌕🌕
🟠板烧安格斯牛 $108
我觉得唔洗再点汁，本身嘅调味就已经好足够。呢款嘅口感无吉列牛食落咁融化，反而系韧口，一样咁好味！呢个都系每边烧30秒就可以～相比起吉列牛，呢个就无咁特别啦，已经同朋友倾好咗，下次去到两个人都要嗌吉列牛。
评分： 🌕🌕🌕🌕🌑
回头率：🌕🌕🌕🌕🌗
🟠Set +$38
两款都系+$38就可以跟set, 但一份set 份量真系好大，所以我哋就嗌咗一个set。要注意嘅系就算唔跟set，都会有一大碗饭跟住上嫁。一个set包一碗饭素，一个溏心蛋，同一碗昆布汤。饭素好好味～加埋啲牛好快就食晒成碗，不过昆布汤就比较淡味。
🟣唐扬鸡块（6粒）$38
唔记得影相添( ･᷄ὢ･᷅ ) 呢个嘅炸皮较软身，但入面好好食。鸡肉松软、嫩滑，就算炸完都保留到啲肉汁。
评分： 🌕🌕🌕🌕🌑
回头率：🌕🌕🌕🌗🌑
⚪️青提汽水 $26
呢只汽水入口较甜，好中意！
评分： 🌕🌕🌕🌕🌗
回头率：🌕🌕🌕🌕🌗
⚪️苹果汽水 $26
本身预呢只味系较假嘅苹果甜味，但饮落都几似天然苹果汁。
评分： 🌕🌕🌕🌕🌗
回头率：🌕🌕🌕🌕🌑
——————————👭🏻人数：2女（1偏细食/ 1正常食量）
💵总金额：$344 （人均：$172）（注：只收Cash）
🍽份量：一碟牛超级大碟，加埋一个set同小食真系超饱
⏱时间：平日晚上730pm
⏳等候时间：>30 mins
———————————
张贴
