常滿雞煲火鍋專門店 (已結業)

半年前食过，半年后同同一班朋友再嚟。原本有两间地铺，我哋上次坐靓装少少𠮶间已经执咗。依家得返一间地铺，得十张细枱左右。我哋前一日打电话嚟想订七半，但店员话得七点，但无限时。枱留15min，人数过半先入得。我七点到，见店内已坐满，有啲疑惑，不过原来旁边唐楼楼梯上两层，有个无招牌嘅单位变咗「私窦」，四正装修开咗几围。「私窦」灯光比较暗，但反而更有feel，环境比上次贴地，几张大枱围炉好有气氛。有电视播电影同波。得一位姐姐加一个啤酒妹，人手不够，难免有啲错漏，但姐姐算勤力有礼，尚可体谅。有时我哋更会自助去攞汤加汤。。老火汤无咗，所有自家制饮品都无咗。叫了一只鸡份量嘅麻辣鸡煲，$198，少麻少辣。鸡件不多，而且唔系真．一只鸡，入面有三四只鸡翼尖同鸡脚。麻辣度适中，惹味带少许香辣。胜在唔油，听其他食客讲，呢度鸡不经油泡，所以唔会好似出面一般鸡煲咁劲多油。就算之后加水打边炉都好清，唔使去油都得。火锅配料，墨鱼滑、冻豆腐、响铃都好正，菜嘅份量都多。每人$200头，如有有citibank卡仲有折。