西貢許姑娘家鄉茶粿 (已結業)

星期日中午在西贡，遇著建制派蛇斋饼粽一车车鸭仔团，大妈领队fing住支中国红三角旗仔，用带有乡音嘅呐喊叫一众鸭仔跟住佢去买许姑娘茶粿，讲到好似非买不可，未食过唔好话嚟过西贡一样。令我回想起以前做旅游，带啲来港旅客去行铺收回佣嘅画面。睇返啲图原来只开星期六日同红日，喺屋前开几张折枱嘅临时摊档。档前人山人海。鸡屎藤，$13，外型同传统嘅好大分别，好似一排朱古力咁，上面有粒脆花生。质感比较烟韧，有咬口，质地英国传统甘草软糖。味道不浓。绿茶红豆茶粿，$13，买回来时全黏在胶盒盖上。质地比较软，像糯米滋或日本大福，没有很甜。朋友食的时候食到一条小钢丝，疑似清洁时从钢丝刷脱落出嚟。整体正常品质，没有去到必食不可的地步。