大澳德發 (已結業)

话说上次食完外卖之后，讲咗一定会试返次堂食，说时迟那时快，就到时间就立即帮衬多次。上次外卖佢哋有个别菜式唔建议，怕太影响质素，今次终于可以试。首先啲煎炸嘢即场享用，啲口感立即返晒嚟，新鲜热辣；其次今次可以食到冰镇咕噜肉。同区有另一高质黄店茶记都以呢味𩠌而驰名，其冰镇咕噜肉外脆内软。对比下大澳德发有另一种感觉，外层虽然无咁脆，但爽口感觉得嚟炸粉较薄身，肉咬落系爆汁嘅感觉，配合返个我觉得调味甜感较重嘅咕噜汁，味道开胃口感juicy。另外几欣赏系佢嘅大澳咸香鸡，食落似盐焗鸡，但系应该用蒸滑鸡嘅方式，食落会无咁干身；另外个卜卜蚬啲蚬肉都几大粒，份量多，个汁就蒜辣味香浓。因为今次散叫，本身价钱可能会贵啲，但因为上次消费后会有coupon 送返，面额都几大，用返又抵食咗好多。当然优惠详情就要自己了解（利申非广告）。