影片
更多
2015-05-14
5768 浏览
:::: 军事主题 第N次烧肉大战 ::::估唔到，我都有做兵嘅一日。好友牛一，我当然不介意做小兵张罗一番，最后揾到一间位于荃湾，用军事做主题嘅人气韩烧 「BBQ Military」，竟然可以Book位 (韩烧10间有8间都冇得book, 喜来稀肉之流假日仲要等到天荒地老)，竟然仲有得免费玩射击游戏，咁就决定带埋朋友们齐齐入伍了。▼ 餐前注意 ▼1. 只hold枱5分钟，迟到记得尽早打去delay booking，店家俾我哋delay 15分钟2. 店嘅面积好大，9:15pm上到去都爆满！想食记得book定位。3. 未齐人都俾我哋入去拎咗枱先4. 话就话限食1.5小时，初初我哋都担心唔够。不过食到未够11点空枱已经出现，根本冇赶过我哋走。5. 切饼费$100，最后我哋都屈服咗。因为荃湾真系冇地方好切@@。6. 当晚起码有4、5枱庆祝生日，最搞笑嘅系，出蛋糕时会起歌，同大部份waiter会围住你张枱起哄讲生日快乐！都几开心ga!!!之后仲有人帮你影即影即有，再送返张卡俾寿星!7. 安排切蛋糕，记得记得一早同店员沟通好。由于我哋食到一半先决定切，趁寿星去厕所时先安排上，寿星返嚟之后，竟然又
估唔到，我都有做兵嘅一日。好友牛一，我当然不介意做小兵张罗一番，最后揾到一间位于荃湾，用军事做主题嘅人气韩烧 「BBQ Military」，竟然可以Book位 (韩烧10间有8间都冇得book, 喜来稀肉之流假日仲要等到天荒地老)，竟然仲有得免费玩射击游戏，咁就决定带埋朋友们齐齐入伍了。
▼ 餐前注意 ▼1. 只hold枱5分钟，迟到记得尽早打去delay booking，店家俾我哋delay 15分钟
2. 店嘅面积好大，9:15pm上到去都爆满！想食记得book定位。
3. 未齐人都俾我哋入去拎咗枱先
4. 话就话限食1.5小时，初初我哋都担心唔够。不过食到未够11点空枱已经出现，根本冇赶过我哋走。
5. 切饼费$100，最后我哋都屈服咗。因为荃湾真系冇地方好切@@。
6. 当晚起码有4、5枱庆祝生日，最搞笑嘅系，出蛋糕时会起歌，同大部份waiter会围住你张枱起哄讲生日快乐！都几开心ga!!!之后仲有人帮你影即影即有，再送返张卡俾寿星!
7. 安排切蛋糕，记得记得一早同店员沟通好。由于我哋食到一半先决定切，趁寿星去厕所时先安排上，寿星返嚟之后，竟然又有另一个店员走埋嚟问我哋系问要切蛋糕！仲要问我哋系咪神秘嘅= =真系呆晒同爆笑。那边箱个蛋糕其实已经嚟紧……好地地嘅一个惊喜，就系咁被破坏咗!!!!= =”
8. 我哋去𠮶阵间舖仲申请紧酒牌，店员竟然俾我哋出去买嘢入嚟饮!!!! 𠮶度啲韩啤成$30一小支，我喺出面买梗系平好多啦!!! Lucky!!有去趁手喇!! 订位时问吓佢拎到酒牌未啦!!
▼ 食物质素 ▼
1. 嗌咗一牛一猪拼盆，每个$338。我只记得五花猪腩肉(声称系济洲黑毛猪)同牛肋骨好味，其他一般，牛好过猪。单嗌都百五蚊，4个人食都系拼盘实际。
肉质嚟讲，始终系喜来优胜。
2. 另有粉面饭同韩国小食等食物，普通价钱，唔特别贵，而我地只嗌了饺子，味道不过不失。3. 芽菜、洋葱、萝卜、泡菜等配菜免费任添，最Like萝卜!! 但冇围边蛋有啲失望……
▼ 环境服务 ▼布置到成个军营咁，仲有个位俾系玩枪射BB弹。一大班人食烧肉饮啤酒其实几好Feel，但呢度啲韩文歌开到好鬼大声，所以大家倾计都要大声啲先听到。
有韩国waiter，不过识中文的，著晒迷彩衫，服务还可以！另枱𠮶支茶竟然系「热」嘅，完全唔衬韩烧！好在有得自己买嘢饮！
张贴
