影片
更多
2018-08-03
45 浏览
香港人一年四季都钟情打边炉所以就算呢排热到傻，都要继续烚吓烚吓今晚就去咗铜锣湾耀华街尚鲜火锅海鲜料理打边炉 可能由于比较早，六点半就上到去，店员很贴心地为我同朋友二人安排到六人座既咭位添，坐得好阔落，墙上仲有个独立的电视机可以睇电视。慢慢食 慢慢睇 泰式海生虾 $96香港唔系好多地方有得食海生虾，见到有就当然整要食啦虾身都几肥美，肉质都够弹牙爽口，另外个汁几好，唔会太辣喧宾夺主 Deep-fried Dough Sticks百花酿油条 $58油炸鬼脆卜卜，上面舖满虾胶，配搭新鲜，仲一味两食，可以当响铃放入汤滚几秒即食又可以点泰色辣酱食。我比较喜欢后者食法，脆卜卜够香口先好食 Pork Platter (Sliced pork Belly/Pork Liver/Pork intestinal/ Pork Skin/ Pork Blood Curd)五味豚拼盘 $138由于友人唔食牛肉，所以点左个猪拼盘有齐晒豚肉片，猪润，猪粉肠，猪红同猪皮豚肉片够厚，食落口不会一秒就溶左赞!猪润也切得厚薄适中，最怕猪润太厚，因为除左好难熟之余口感亦会变得差猪粉肠本人大爱，有咬口得嚟又有啲粉状系口，双重口感
所以就算呢排热到傻，都要继续烚吓烚吓
今晚就去咗铜锣湾耀华街尚鲜火锅海鲜料理打边炉
可能由于比较早，六点半就上到去，店员很贴心地
为我同朋友二人安排到六人座既咭位添，坐得好阔落，
墙上仲有个独立的电视机可以睇电视。慢慢食 慢慢睇
泰式海生虾 $96
香港唔系好多地方有得食海生虾，见到有就当然整要食啦
虾身都几肥美，肉质都够弹牙爽口，另外个汁几好，唔会太辣喧宾夺主
Deep-fried Dough Sticks
百花酿油条 $58
油炸鬼脆卜卜，上面舖满虾胶，配搭新鲜，仲一味两食，
可以当响铃放入汤滚几秒即食
又可以点泰色辣酱食。我比较喜欢后者食法，脆卜卜够香口先好食
Pork Platter (Sliced pork Belly/Pork Liver/Pork intestinal/ Pork Skin/ Pork Blood Curd)
五味豚拼盘 $138
由于友人唔食牛肉，所以点左个猪拼盘
有齐晒豚肉片，猪润，猪粉肠，猪红同猪皮
豚肉片够厚，食落口不会一秒就溶左
赞!猪润也切得厚薄适中，
最怕猪润太厚，因为除左好难熟之余口感亦会变得差
猪粉肠本人大爱，有咬口得嚟又有啲粉状系口，双重口感
猪红做得好好，唔会一夹就散
Crisp-Meat Grass Carp Belly
脆骨腩 $68
一上碟已经睇到个鱼肉白雪雪好新鲜
食落口，一个字，正
鱼肉丰厚爽脆，充满鱼既鲜味，无鱼腥味。值得堆介
Vegetables Platter (Organic)
田园盛(有机) $78
嚟多个蔬果拼盘，要讲既系有一种几特别即菜叫 羽衣甘蓝 Kale 大大块
味道苦苦涩涩但唔会令人太难顶，已经煮完啲叶都系好硬身，几好咬口
泰式冬荫海虾汤
汤底留翻最后讲。今日选左个冬荫功汤底
酸同辣既味道好平均，唔会太辣，应该大部份唔大食到辣既人都食得到
已经有好多配料例如冬菇，蕃茄等，仲有原只虾系汤入面添
打左成晚都无需要加汤，即使到尾段都仲有冬荫功味系到，厉害厉害
埋单时店员更送上两盒罗汉果冲剂比我地翻屋企饮，
等我地无咁热气，贴心又窝心加分
有机会同多啲朋友一齐嚟，咁就可以叫多啲不同既食物一齐烚下烚下
张贴
